គ្រាប់បាល់ស៊ុតបញ្ចូលទីក្នុងតង់ទី២របស់កីឡាករ Moises Caicedo បានជួយក្រុមរបស់គាត់ តាមស្មើពីការស៊ុតបាល់ប៉េណាល់ទីរបស់ Bruno Fernandes ខណៈដែល Chelsea ទទួលលទ្ធផលស្មើ ១ទល់១ ជាមួយក្រុមម្ចាស់ផ្ទះ Manchester United កាលពីថ្ងៃអាទិត្យ ដែលធ្វើឲ្យការអបអររបស់ United ក្នុងការប្រកួត Premier League ជាលើកដំបូងរបស់ពួកគេចាប់តាំងពីការបណ្តេញអ្នកចាត់ការលោក Erik ten Hag។
ប្រធានក្រុម Man Utd កីឡាករ Fernandes បានស៊ុតបាល់បញ្ចូលទីពីនៅនាទីទី៧០បន្ទាប់ពីអ្នកចាំទី Robert Sanchez របស់ Chelsea បានចាប់ជើងរបស់ Rasmus Hojlund ដែលព្យាយាមអូសបាល់ស៊ុតបញ្ចូលទី។ Fernandes បានស៊ុតបាល់ពិន័យនាំមុខបានសម្រេច ដែលជំរុញឱ្យលោក Van Nistelrooy រីករាយក្នុងនាមជាអ្នកចាត់ការបណ្តោះអាសន្ននៅពេលនេះ។
អារម្មណ៍អបអររបស់អ្នកគាំទ្រនៅ Old Trafford បានផ្លាស់ប្តូរយ៉ាងឆាប់រហ័សបន្ទាប់ពី៤នាទីក្រោយមក នៅពេលដែល Casemiro បរាជ័យក្នុងការទាត់ជ្រុងរបស់ Chelsea ដោយធ្វើឱ្យ Caicedo ឆ្លៀតឱកាសស៊ុតបាល់បញ្ចូលទីផុតដៃអ្នកចាំទី Andre Onana នៅនាទីទី៧៤។
Caicedo បានប្រាប់ BBC Sport ថា “វាគឺជាឱកាសក្នុងការរកគ្រាប់បាល់ ខ្ញុំបានធ្វើវា។ យើងបានដឹងថាប្រសិនបើយើងរង់ចាំរយៈពេលយូរដើម្បីស្មើវានឹងមានភាពស្មុគស្មាញ។ ខ្ញុំរីករាយណាស់ក្នុងការស្មើ យើងសមនឹងឈ្នះ។ យើងដឹងថាវានឹងក្លាយជាការប្រកួតដ៏ស្វិតស្វាញមួយ ប៉ុន្តែយើងបានត្រៀមខ្លួនសម្រាប់វា។ ខ្ញុំរីករាយណាស់សម្រាប់ក្រុម វាគឺជាការប្រកួតដ៏អស្ចារ្យមួយ”។
ខ្សែប្រយុទ្ធស្លាប Alejandro Garnacho ស្ទើរតែរកបានគ្រាប់បាល់នាំមុខទៅហើយ នៅក្នុងម៉ោងបន្ថែម ដោយបានស៊ុតមួយគ្រាប់ពីចម្ងាយរំលងរបារកាត់ មុនពេល Fernandes ខកខានការស៊ុតចំគោលដី១នាទីក្រោយមក ដោយបានទាត់បាល់ពីកណ្តាលប្រអប់បានយ៉ាងល្អ។
ក្រុមបិសាចក្រហមបានបណ្តេញលោក Ten Hag ចេញពីតំណែងជាគ្រូបង្វឹកកាលពីថ្ងៃចន្ទសប្តាហ៍មុន ខណៈដែល United ធ្លាក់ក្នុងចំណាត់ថ្នាក់ទី១៣ក្នុងក្របខ័ណ្ឌ Premier League។ លោក Ruben Amorim ត្រូវបានតែងតាំងជាអ្នកជំនួសនៅថ្ងៃសុក្រ ហើយនឹងមកដល់ក្លិបនៅថ្ងៃទី១១ ខែវិច្ឆិកា។
ការបដិសេធជាទូទៅពីលោក Ten Hag គឺជាអសមត្ថភាពរបស់ Man Utd ក្នុងការស៊ុតបញ្ចូលទីមានតែ Crystal Palace និង Southampton ទាបប៉ុណ្ណោះដែលមានចំនួនតិចជាង៩គ្រាប់ដែល United បានរបូតគ្រាប់បាល់។
បច្ចុប្បន្ន Chelsea ឈរនៅលេខរៀងទី៤ ក្នុងតារាងមាន១៨ពិន្ទុ ខណៈដែលក្រុមបិសាចក្រហម Man Utd ដែលមានអ្នកចាត់ការបណ្តោះអាសន្នលោក Ruud van Nistelrooy ស្ថិតក្នុងចំណាត់ថ្នាក់លេខ១៣មាន១២ពិន្ទុបន្ទាប់ពី១០ប្រកួតដែលជាលទ្ធផលមិនទាន់ប្រសើរឡើងនោះទេ បើទោះបីក្លិបបានបញ្ចេញគ្រូបង្វឹកកាលពីសប្តាហ៍ក៏ដោយ។
ក្រោយចប់ការប្រកួតគ្រូបង្វឹកបណ្ដោះអាសន្នរបស់ Manchester United លោក Ruud van Nistelrooy ជឿជាក់ថា ក្រុមអាចវិលជុំវិញរដូវកាលដ៏ក្រៀមក្រំរបស់ពួកគេដោយផ្អែកលើស្មារតី ដែលគាត់បានឃើញនៅក្នុងការប្រកួតពីររបស់ពួកគេចាប់តាំងពីការបណ្តេញអ្នកចាត់ការលោក Erik ten Hag បើទោះបីលទ្ធផលស្មើនៅ Premier League ពេលនេះក៏ដោយ។
អតីតខ្សែបម្រើក្រុមបិសាចក្រហមបានប្រែក្លាយអ្នកវិភាគ Roy Keane បាននិយាយថា លោក Ruben Amorim អ្នកជំនួសអចិន្រ្តៃយ៍របស់លោក Ten Hag ដែលនឹងចូលកាន់តំណែងនៅថ្ងៃទី១១ ខែវិច្ឆិកា គួរតែចុះហត្ថលេខាលើកិច្ចសន្យាយូរជាងនេះ ដោយសារតែមានផ្លូវត្រឡប់មកវិញសម្រាប់ក្រុមនេះ។
ការរបូតគ្រាប់បាល់៩គ្រាប់របស់ Man Utd ឆ្លងកាត់១០ប្រកួត គឺជាទិន្នន័យដ៏អាក្រក់បំផុតទី៣នៅក្នុងលីក ដែលជាចំនួនសរុបទាបបំផុតរបស់ពួកគេនៅក្នុងដំណាក់កាលនៃយុទ្ធនាការលីកចាប់តាំងពីឆ្នាំ១៩៧៣-១៩៧៤៕ (រូបភាព ៖ CNA)
