ភ្នំពេញៈបុរសជិះម៉ូតូហុងដាឃ្លីកខ្វះការប្រុងប្រយ័ត្នក៍ជ្រុលទៅបុុកនិងរទេះម៉ូតូលក់ភេសជ្ជៈបណ្ដាលឲ្យរងការខូចខាតទាំងសងខាង។
ហេតុការណ៍នេះបានកេីតនៅវេលាម៉ោង៨និង៥០នាទីយប់ ថ្ងៃទី១៨ខែវិច្ឆិកាឆ្នាំ២០២៤ តាមបណ្ដោយផ្លូវ២៨៨ សង្កាត់ទួលស្វាយព្រៃទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុបានអោយដឹងថា មុនពេលកេីតហេតុ គេបានឃើញស្ត្រីម្នាក់បានជិះរទេះម៉ូតូលក់ភេសជ្ជៈគ្រប់មុខ ធ្វេីដំណើរតាមបណ្ដោយផ្លូវ៣៨៨ទិសដៅពី ជេីងទៅត្បូង លុះមកដល់ចំនុចកេីតហេតុ ក៍បានបត់ឆ្វេងបំរុងត្រលប់ក្រោយវិញ តែគាប់ជួនពេលនោះក៍ស្រាប់តែយុវជនម្នាក់ បានជិះម៉ូតូ ម៉ាក ហុងដាឃ្លីក ពណ៌ខ្មៅ ពាក់ស្លាកលេខ ភ្នំពេញ 1IW 6786 ជិះបោះពួយក្នុងទិសស្របគ្នាខ្វះប្រុងប្រយ័ត្នហ្រ្វាំងមិនទាន់ ក៍ជ្រុលទៅបុុកនិងរទេះម៉ូតូបណ្តាលឲ្យបែកកញ្ចក់ទូររងការខូចខាត សំភារៈអស់មួយចំនួន ។
ចំនែកខាងម៉ូតូវិញ រងការខូចខាតខ្ទេចផែ្នកខាងមុខ និងធ្វើឲ្យមនុស្សរងរបួសតិចតួច ។
ក្នុងករណីនេះផងដែរសមត្ថកិច្ចមូលដ្ឋានបានចុះទៅកន្លែងកេីតហេតុនិងបានអោយភាគីទាំងសងខាងបានសម្របសម្រួលគ្នាដោយខាង រទេះលក់ភេសជ្ជៈសុំស្មេីគ្នា តែខាងម៉ូតូទាមទារសំណង ។
ក្រោយពេលកេីតហេតុ ដោយសារដោះស្រាយគ្នាមិនត្រូវ មធ្យោបាយទាំងអស់ត្រូវសមត្ថកិច្ចជំនាញចរាចរណ៍វាស់វែងយកទៅរក្សាទុកនៅអធិការដ្ឋាននគរបាលខណ្ឌបឹងកេងកង ដេីម្បីរង់ចាំដំណោះស្រាយ ៕ដោយ៖សុខាសែនជ័យ
