ភ្នំពេញ៖ ជនសង្ស័យប្រុសស្រី៩នាក់ត្រូវកម្លាំងអាវុធហត្ថខណ្ឌដូនពេញ សហការជាមួយអាវុធហត្ថខណ្ឌឫស្សីកែវ និងអាវុធនៃការិយាល័យបទល្មេីសព្រហ្មទណ្ឌរាជធានីភ្នំពេញ នៅវេលាម៉ោង៣និង១០នាទីរសៀលថ្ងៃទី១១ ខែសីហា ឆ្នាំ២០១៦ ចំណុចទួលតាស័ក្ត៥ ផ្លូវ៧០ ភូមិទួលគោក ក្រុម០៤ សង្កាត់ទួលសង្កែ ខណ្ឌឫស្សីកែវ ដោយជនសង្ស័យទាំងអស់ពាក់ព័ន្ធករណីគ្រឿងញៀន និងករណីលួចក្នុងរាជធានីភ្នំពេញ  ។

ប្រតិបត្តិការបង្រ្កាបទីតាំងខាងលើនេះដឹកនាំដោយលោកវរៈសេនីយ៍ទោ ថោង ពិសិដ្ឋ មេបញ្ជាការអាវុធហត្ថខណ្ឌដូនពេញ សហការជាមួយលោកវរៈសេនីយ៍ត្រី ប៉ាន់ សុភាព នាយការិយាល័យប្រឆាំងបទល្មេីសគ្រឿងញៀនអាវុធហត្ថរាជធានីភ្នំពេញ ជាលិទ្ធផលឃាត់ខ្លួនមនុស្សប្រុសស្រី០៩នាក់ក្នុងនោះមានស្រីម្នាក់។

ចំណែកឯវត្ថុតាងចាប់យកពីជនសង្ស័យមាន ម្សៅក្រាមសថ្លា០៣កញ្ចប់ ម៉ូតូ០៥គ្រឿង ស្លាកលេខម៉ូតូ០២ សម្ភារៈសម្រាប់ប្រើប្រាស់គ្រឿងញៀនមួយចំនួន។

បច្ចុប្បន្នជនសង្ស័យនិងវត្ថុតាងបានបញ្ជូនទៅការិយាល័យប្រឆាំងបទល្មេីសគ្រឿងញៀន អវុហត្ថរាជធានីដេីម្បីចាត់ការបន្ត៕

ដោយ៖ ស ដារ៉ា