ភ្នំពេញ៖ ជនស្ស័យប្រុសស្រីចំនួន៦នាក់ត្រូវបានឃាត់ខ្លួន កាលពីវេលាម៉ោង១១ និង២០នាទីព្រឹកនៅផ្ទះសំណាក់អប្សរាសែនសុខ ក្នុងប្រតិបត្តិការរបស់សមត្ថកិច្ចនគរបាលខណ្ឌសែនសុខសហការជាមួយនគរបាលព្រហ្មទណ្ឌកំរិតស្រាលរាជធានីភ្នំពេញចុះបង្ក្រាបក្នុងបទល្មើសជាក់ស្តែងនោះ។

ការឃាត់ខ្លួននេះនៅក្នុងបន្ទប់ផ្ទះសំណាក់អប្សរាសែនសុខលេខ ២០១ និង២០៦ សមត្ថកិច្ចឆែកឆេររកឃើញនូវសម្ភារប្រើប្រាស់គ្រឿងញៀនមួយចំនួន ម៉ូតូចំនួន៤គ្រឿង និងឃាត់ខ្លួនជនសង្ស័យប្រុសស្រី៦នាក់នាំយកទៅធ្វើការសាកសួរតាមនីតិវិធី។

សមត្ថកិច្ចសង្ស័យថា ម្ចាស់ផ្ទះសំណាក់អាចនឹងពាក់ព័ន្ធការផ្តល់ទីតាំងឲ្យជនសង្ស័យធ្វើសកម្មភាព ខណៈការស្នាក់នៅនេះមានទាំងប្រុសស្រីយ៉ាងប្រសេកប្រសាចនោះ៕

ដោយ៖ តុង សីហា