ភ្នំពេញ៖ យុវជន២នាក់បើកម៉ូតូឌុបគ្នាបត់ផ្លូវកាត់ទទឹងជ្រុលទៅបុកនិងរថយន្តដែលបេីកបញ្ច្រាសទិសគ្នាពេញទំហឹងបណ្តាលឲ្យមានអ្នករងរបួសធ្ងន់ស្រាល២នាក់ ។
ហេតុការណ៍នេះបានកេីតឡេីងកាលពីម៉ោង ១និង១០នាទីរំលងអធ្រាត្រឈានចូលថ្ងៃទី៤ ខែធ្នូ ឆ្នាំ២០២៤ ចំនុចផ្លូវ៥១កែងផ្លូវ២៩៤ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
ប្ប្រភពព័ត៌មាននៅកន្លែងកើតហេតុ បានឲ្យដឹងថា មុនពេលកេីតហេតុគេបានឃើញរថយន្តម៉ាក BMW ពណ៌ស ពាក់ស្លាកលេខ ភ្នំពេញ 2AG 5363 ជជិះគ្ជិះគ្នា៤នាក់ប្រុស៣នាក់ស្រីម្នាក់បានបេីកធ្វើដំណើរតាមបណ្ដោយផ្លូវ៥១ទិសដៅពីជើងទៅត្បូង លុះមកដល់ចំនុចកេីតហេតុ ស្រាប់តែយុវជន២នាក់បានជិះម៉ូតូម៉ាក ហុងដា ស្កុបពីពណ៌ក្រហម ពាក់ស្លាកលេខភ្នំពេញ2JC 8453 បើកតាមបណ្ដោយផ្លូវ៥១ទិសដៅ ពីត្បូងទៅជេីង បញ្ច្រាសទិសគ្នា ហេីយស្រាប់តែអ្នកបេីក បានឡាគួរចង្កូតបត់ឆ្វេងគោលបំណងឆ្ពោះទៅផ្លូវ២៩៤ ជ្រុលទៅបុុករថយន្តចំពាក់កណ្ដាលយ៉ាងពេញទំហឹង បណ្តាលឲ្យបុរសជាអ្នកបេីករបួសសន្លប់នៅលេីផ្លូវ ចំនែកអ្នកអង្គុយខាងក្រោយរងរបួសរលាត់ដៃជើងតិចតួច អ្នកទាំង២ត្រូវបានបញ្ជូនតាមរថយន្តសាមុយយកទៅសង្គ្រោះនៅមន្ទីរពេទ្យព្រះអង្គឌួងផងដែរ ។
ដោយឡែករថយន្តវិញរងការខូចខាតមួយចំហៀងរងការឆ្វេង តែសំណាងមិនមានគ្រោះថ្នាក់ដល់មនុស្សដែលជិះក្នុងរថយន្តនោះទេតែអ្នកបេីកបរត្រូវសមត្ថកិច្ចឃាត់យកប្រគល់អោយផ្នែកជំនាញចរាចរណ៍ផងដែរ ។
បន្ទាប់ពីកេីតហេតុសមត្ថកិច្ចជំនាញចរាចរណ៍វាស់វែងយករថយន្តនឹងម៉ូតូទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដំណោះស្រាយនៅពេលក្រោយ ៕
ដោយ៖ ជ្រោយពេជ្រ
