ខេត្តបាត់ដំបង៖ នគរបាលស្រុក បាណន់បានឲ្យដឹងថា នៅថ្ងៃទី១១ ខែ សីហា ឆ្នាំ២០១៦ វេលាម៉ោង៥និង៣០ នាទីល្ងាច ប្រជាជននៅភូមិភ្នំសំពៅកើត ឃុំភ្នំសំពៅ ស្រុកបាណន់ បានរាយការណ៍ បន្ទាប់ពីប្រទះឃើញ គ្រាប់មិនទាន់ផ្ទុះនៅចំណុចបឹងរោង ស្ថិតក្នុងភូមិឃុំខាងលើ ចំនួន១៥គ្រាប់ ។ គ្រាប់ដែលប្រទះឃើញនោះមានគ្រាប់៦០មិលី្លម៉ែត្រចំនួន២គ្រាប់ គ្រាប់៨០មិល្លីម៉ែត្រ ចំនួន១៣គ្រាប់ ។
ក្រោយពីសមត្ថកិច្ចទទួលដំណឹងនេះបានចុះទៅត្រួតពិនិត្យនិងយករក្សាទុកនៅអធិការដ្ឋាននគរបាលស្រុក ដើម្បីទុកប្រគល់ឲ្យមន្ត្រីស៊ីម៉ាក់ ។
ជុំវិញការប្រទះឃើញគ្រាប់នេះដែរនគរបាលស្រុកបាណន់បានអំពាវនាវដល់ ប្រជាពលរដ្ឋដែលរស់នៅក្នុងមូលដ្ឋានទាំងអស់សូមឲ្យមានការប្រុងប្រយ័ត្នចំពោះ យុទ្ធភណ្ឌមិនទាន់ផ្ទុះដែលបន្សល់ពីសម័យសង្គ្រាមក្តីឬយុទ្ធភណ្ឌទាំងឡាយណាដែលបានមកពីគ្រប់មជ្ឈដ្ឋានត្រូវរាយការណ៍ ជាបន្ទាន់មានគ្រោះថ្នាក់ជាយថាហេតុ ។
លោកអធិការនៃអធិការដ្ឋាននគរបាលស្រុកបាណន់បានថ្លែងអំណរគុណដល់ ប្រជាពលរដ្ឋដែលបានយកយុទ្ធភណ្ឌមិនទាន់ផ្ទុះទាំងនេះប្រគល់ជូនសមត្ថកិច្ចទាន់ពេលវេលា ៕
ដោយ៖ សហការី
