ភ្នំពេញ ៖ ជនសង្ស័យម្នាក់បានធ្វើសកម្មភាព លួចកាច់កម៉ូតូម៉ាកឌ្រីមសង់សេរី ២០២៤ បានហេីយតែម្ចាស់ឃេីញទាន់ហក់ធាក់ដួលផ្កាប់មុខចាប់ហេីយស្រែកថាចោរ ៗត្រូវ បានបងប្អូនប្រជាពលរដ្ឋនាំគ្នាស្វាគមន៍វាយ មួយដៃមួយជេីងបណ្តាលឲ្យរងរបួសធ្ងន់ត្រូវបានសមត្ថកិច្ចនគរបាលប៉ុស្តិ៍ហៅរថយន្ត សង្រ្គោះដឹកជនសង្ស័យទៅសង្គ្រោះបន្ទាន់ ភ្លាមៗ បង្កឲ្យមានការ ភ្ញាក់ផ្អើល កាលពី វេលាម៉ោង ៦នឹង ១០នាទី យប់ថ្ងៃទី ៦ ខែធ្នូ ឆ្នាំ២០២៤ នៅចំណុច ផ្សារក្រមួននៅផ្លូវ ១០០៧ ដែលស្ថិត នៅសង្កាត់ភ្នំពេញថ្មី ខណ្ឌសែនសុខរ។
ជនរងគ្រោះឈ្មោះ ស៊ុងពន្លឺ ភេទប្រុស អាយុ ១៩ឆ្នាំមុខរបរសិស្សមកជួយលក់ដូរម្តាយនៅផ្សារក្រមួនរស់នៅជិតកន្លែងកើតហេតុនៅសង្កាត់ភ្នំពេញថ្មី ខណ្ឌសែនសុខ ។
ម៉ូតូដែលជនសង្ស័យលួចកាច់ ក ម៉ាកឌ្រីមសង់សេរី ២០២៤ ពណ៌ខ្មៅ ពាក់ផ្លាកលេខ ភ្នំពេញ 1KX-0178 ។
តាមប្រភពពត៌មានពីជនរងគ្រោះបានអោយដឹងថានៅមុនពេលកេីតហេតុគាត់បានជិះម៉ូតូមកជួយដូរម្តាយនៅផ្សារក្រមួននឹងនៅ ចំណុចកេីតហេតុខណៈពេលភ្លាមៗគាត់បាន ទុកម៉ូតូនៅជិតកន្លែងគាត់លក់ដូរហេីយខណៈ ពេលកំពុងលក់ដូរក៏ស្រាប់តែឃេីញ ជនសង្ស័យម្នាក់ខាងលេីបានជិះម៉ូតូគាត់ចេញពីកន្លែងកើតហេតុបានបន្តិចខណៈពេលនោះជនរងគ្រោះបានឃេីញទាន់ជជនរជនរងគ្រោះបានហក់ធាក់ដួលផ្កាប់មុខចាប់ ជនសង្ស័យបានភ្លាមៗរួចបានស្រែកថាចោរ ៗត្រូវបានបងប្អូនប្រជាពលរដ្ឋនៅកន្លែង កេីតហេតុបាននាំគ្នាស្វាគមន៍វាយមួយដៃ មួយជេីងម្នាក់បណ្តាលឲ្យជនសង្ស័យរងរបួសសន្លប់ស្តូកស្តឹងរងរបួសធ្ងន់។ ខណៈពេលភ្លាមៗដោយមានកំលាំងសមត្ថកិច្ច នគរបាលប៉ុស្តិ៍បានមកដល់កន្លែងកេីតហេតុភ្លាមៗ ដោយឃេីញជនសង្ស័យរងរបួសសន្លប់ស្តូកស្តឹងហេីយធ្ងន់ធ្ងរពេកសមត្ថកិច្ចនគរបាលប៉ុស្តិ៍បានទាក់ទងទៅរថយន្តសង្គ្រោះមន្ទីរពេទ្យមិត្តភាពកម្ពុជាចិនព្រះកុសមៈដឹកយកទៅសង្រ្គោះបន្ទាន់ភ្លាមៗ ។ ហេីយនាំជនរងគ្រោះព្រមទាំងម៉ូតូយកទៅប៉ុស្តិ៍នគរបាលរដ្ឋបាល សង្កាត់ភ្នំពេញថ្មីភ្លាមៗ ដេីម្បីសួរនាំ ។
ក្រោយពេលកេីតហេតុបន្ទាប់ពីជនសង្ស័យ ត្រូវបានរថយន្តដឹកយកទៅសង្រ្គោះបន្ទាន់ នៅមន្ទីរពេទ្យមិត្តភាពកម្ពុជាចិនព្រះកុសមៈ ហេីយជនរងគ្រោះបានដាក់ពាក្យបណ្ដឹង ដេីម្បីអោយសមត្ថកិច្ចនគរបាលប៉ុស្តិ៍ចាត់ការតាមនីតិវិធីច្បាប់ហេីយសមត្ថកិច្ចរង់ចាំជនសង្ស័យព្យាបាលរួចសិន ទេីបចាត់ការតាមនីតិវិធីបន្ត ៕
ដោយ ៖ ភារ៉ា ដង្កោ
