ភ្នំពេញ៖ បុរសម្នាក់ដែលជាជាងសំណង់ត្រូវបានខ្សែរភ្លើងស្រាតស្រូបឆក់បណ្ដាលឲ្យរងរបួសធ្ងន់ ខណៈកំពុងតែឡើងចាប់ជ្រីផ្ទះខ្វះការប្រុងប្រយ័ត្ន ។

ហេតុការណ៍នេះបានកើតឡើងនៅវេលាម៉ោង៩និង១០នាទីព្រឹកថ្ងៃទី១៥ ខែសីហា ឆ្នាំ២០១៦ នៅចំណុចក្នុងបុរីលឹមាឈាងហាក់ ស្ថិតក្នុងភូមិមរ័ សង្កាត់ដង្កោ ខណ្ឌដង្កោ។

សាច់ញាត្តិជនរងគ្រោះបានឲ្យដឹងថា ជនរងគ្រោះខាងលើមានឈ្មោះ ម៉ា បឿន អាយុ៣១ឆ្នាំ មុខរបរជាងសំណង់ចំណែកប្រពន្ធជនរងគ្រោះមានឈ្មោះ ណាវី ៣៤ឆ្នាំ ស្នាក់នៅជាមួយគ្នានៅចំនុចកើតហេតុខាងលើ មានស្រុកកំណើតនៅឯស្រុករមាសហែក ខេត្តស្វាយរៀង។

តាមប្រភពព័ត៌មានពីប្រជាពលរដ្ឋដែលនៅកន្លែងកើតហេតុឲ្យដឹងថា នៅមុនពេលកើតហេតុគឺជនរងគ្រោះបានឡើងទៅលើសំយ៉ាបផ្ទះដើម្បីចាប់ជ្រីតែដោយសារសំយ៉ាបផ្ទះនៅគៀកនិងបង្គោលខ្សែរភ្លើងស្រាតហើយទឹកសើមៗផងនោះក៏ត្រូវបានខ្សែភ្លើងស្រាតស្រូបឆក់ជនរងគ្រោះធ្លាក់ពីលើចុះមកដីបណ្តាលឲ្យរងរបួសធ្ងន់តែម្ដង។

ក្រោយពេលកើតហេតុភ្លាមៗសាច់ញាតិជនរងគ្រោះបានទំនាក់ទំនងទៅរថយន្តសង្គ្រោះបន្ទាន់មកដឹកជនរងគ្រោះទៅសង្គ្រោះនៅមន្ទីរពេទ្យរុស្សីុផងដែរ៕

ដោយ៖ជីម ភារ៉ា ដង្កោ