ខេត្តរតនគិរី៖ រថយន្តម៉ាកកាមរីស្វិត បើកបុកអ្នកជិះម៉ូតូចំពីមុខពេញទំហឹង កាលពីវេលាម៉ោង៧និង៤៥នាទីយប់ថ្ងៃទី១៣ ខែសីហា ឆ្នាំ២០១៦ ត្រង់ចំណុចខាងកើតប្រលានយន្តហោះចាស់ តាមផ្លូវលំក្រាលគ្រួសក្រហម ស្តិតនៅភូមិជ័យជំនះ សង្កាត់ឡាបានសៀក ក្រុងបានលុង។

ប្រភពពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តកាមរីស្វិតមួយគ្រឿងមិនចាំស្លាកលេខបើកបរក្នុងទិសដៅពីជើងទៅត្បូងក្នុងល្បឿនលឿនដល់ត្រង់ចំណុចកើតហេតុខាងលើក៏ជ្រុលទៅបុកម៉ូតូកំពុងធ្វើចរាចរណ៍បញ្ច្រស់ទិសគ្នាយ៉ាងពេញទំហឹងតែម្តង។

បើតាមប្រភពពីសមត្តកិច្ចបានឲ្យដឹងថា ជនរងគ្រោះ រស់ ចន្តា ភេទប្រុសអាយុ៣៤ឆ្នាំជនជាតិខ្មែររបួសបាក់ជើងស្តាំនឹងបែកក្បាល ជិះម៉ូតូម្នាក់ឯងម៉ាកគុបពណ៌ទឹកប៊ិច ពាក់ស្លាកលេខ គ២៥៨១.ភ.ព១ ក្នុងទិសដៅពីត្បូងទៅជើងមានទីលំនៅភូមិកាចាញអូរសាអិល ឃុំល្បាំ១ ស្រុកលំផាត់ ខេត្តរតនគិរី។

ក្រោយកើតហេតុនសមត្ថកិច្ចគបាលខេត្តចុះមកអន្តរាគម៍ធ្វើការវាស់វែងនឹងដឹកបញ្ជូនជនរងគ្រោះទៅកាន់មន្ទីរពេទ្យបង្អែកខេត្ត ចំណែករថយន្តបង្កសមត្ថកិច្ចកំពុងស្រាវជ្រាវរកយកមកធ្វើការដោះស្រាយទៅតាមផ្លូវច្បាប់៕

ដោយ៖ វុទ្ធឦសាន្ត