ខេត្តកំពង់ធំ៖ គ្រោះថ្នាក់ចរាចរណ៍រវាងម៉ូតូបុកនិងម៉ូតូសណ្ដោរ៉ឺម៉កកាលពីវេលាម៉ោង៦និង៣៩នាទីយប់ថ្ងៃ១៤ ខែសីហា ឆ្នាំ២០១៦ នៅលើកំណាត់ផ្លូវជាតិលេខ៦ ត្រង់ចំណុចភូមិជាយស្បៃ ឃុំកកោះ ស្រុកសន្ទុក ខេត្តកំពង់ធំ។

តាមប្រភពព័ត៌មានពីសមត្ថកិច្ចឲ្យដឹងថា មុនពេលកើតហេតុគេបានឃើញជនរងគ្រោះបានជិះម៉ូតូC125 ពណ៌ខ្មៅពាក់ស្លាកលេខ កំពង់ធំ 1D-4912 បើកបរពីត្បូងទៅជើងក្នុងទិសដៅស្របគ្នាបើកបរក្នុងល្បឿនលឿន ហើយចាំងភ្លើងរថយន្តបញ្ច្រាសទិស និងរ៉ឺម៉កម៉ូតូមិនមានដាក់ចំណាំងផ្លាតខាងក្រោយធ្វើឲ្យបុកពីក្រោយពេញទំហឹងតែម្ដង។

ជនរងគ្រោះឈ្មោះ វាំង ម៉ាប់ ភេទប្រុស អាយុ២៤ឆ្នាំ បណ្ដាលស្លាប់ពេលបញ្ជូនទៅសល់មន្ទីរពេទ្យ និងអ្នករួមដំណើរ ៣នាក់ទៀតទី១-ឈ្មោះ អោ រិន ភេទស្រី អាយុ៦៧ឆ្នាំ របួសធ្ងន់ ទី២-ឈ្មោះ ខុន សុឃីន ភេទប្រុស អាយុ២៣ឆ្នាំរបួសធ្ងន់ និងទី៣-ឈ្មោះ យៀក សុវណ្ណ ភេទប្រុស អាយុ៤ឆ្នាំ របួសស្រាល អ្នកទាំង៤នាក់ស្នាក់នៅភូមិបូរពឹង ឃុំកំពង់គោ ស្រុកកំពង់ស្វាយ ខេត្តកំពង់ធំ បានបើកទៅបុកម៉ូតូរសណ្ដោងរ៉ឺម៉កម៉ាក YAMAHA ពណ៌ខ្មៅ ពាក់ស្លាកលេខ កំពង់ធំ 1B-6102 បើកបរដោយឈ្មោះ ប៉ឹង សុភាព ភេទប្រុស អាយុ២៧ឆ្នាំ ស្នាក់នៅភូមិឥន្ទះកុមារ ឃុំកំពង់ស្វាយ ខេត្តកំពង់ធំ របួសស្រាល៕

  

ដោយ៖ ប៊ុន រិទ្ធី