ខេត្តកំពង់ស្ពឺ៖ អនុវត្ដតាមបទបញ្ជារបស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងបានការចង្អុលណែនាំពីលោកឧត្ដមសេនីយ៍ត្រី ម៉ាត់ ធុច ស្នងការរងទទួលផែនប្រឆាំងបទល្មេីសគ្រឿងញៀន នៅថ្ងៃចន្ទ ៧រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹង ថ្ងៃទី២០ ខែមករា ឆ្នាំ២០២៥ វេលាម៉ោង១១និង ៣០នាទី នៅចំណុចផ្ទះឈ្មោះ ជា ផល្លី ហៅ ផាលី នៅភូមិបឹងរនាល ឃុំព្រៃវិហារ ព័ត៌មានផ្ដល់ដោយមូលដ្ឋានទុកចិត្ដថា ទីតាំងជាផ្ទះតូច១កន្លែងបានធ្វេីសកម្មភាពចែកចាយនិងផ្ដល់ឲ្យមានការប្រេីប្រាស់សារធាតុញៀនពីសំណាក់ យុវជន,ពលរដ្ឋមួយចំនួនទាំងថៃ្ង-យប់។
កំលាំងនគរបាលអធិការដ្ឋានស្រុកគងពិសីដឹកនាំដោយលោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានចុះប្រតិបត្ដិការស្រាវជ្រាវជាក់ស្ដែងឃាត់ខ្លួនមុខសញ្ញាសង្ស័យ០២នាក់ ៖
-ឈ្មោះ ជា ផល្លី ហៅ ផាលី ភេទប្រុស អាយុ២៧ឆ្នាំ នៅភូមិបឹងរនាល ឃុំព្រៃវិហារ ស្រុកគងពិសី
-ឈ្មោះ សៀង រតនៈ ហៅ តាក់ ភេទប្រុស អាយុ ៣៦ឆ្នាំនៅភូមិបឹងរនាល ឃុំព្រៃវិហារ ស្រុកគងពិសី
សមត្ថកិច្ចរកឃេីញនិងដកហូតបានម្សៅក្រាមសថ្លាសង្ស័យជាគ្រឿងញៀនចំនួន ០៩កញ្ចប់តូច (ដាវ ០១ដើម កាំបិត ០១ដើម ជារបស់ឈ្មោះ សៀង រតនៈ ទុកយកតាមខ្លួន ,ទូរស័ព្ទដៃ ០១គ្រឿង និងឧបករណ៍ប្រើប្រាស់គ្រឿងញៀនមួយចំនួន។
បច្ចុប្បន្នសមត្ថកិច្ចបានបញ្ជូនជនសង្ស័យ និងវត្ថុតាងមកអធិការដ្ឋាននគរបាលស្រុក ដេីម្បីសាកសួរនិងបំពេញនីតិវិធីកសាងសំណុំរឿងបញ្ជូនទៅការិយាល័យជំនាញខេត្ដចាត់ការតាមនីតិវិធី៕
