នេះជាវិធីសាស្ត្របំប្លែងកម្តៅ ដែលទីភ្នាក់ងារទឹកភ្លៀងថៃនឹងបញ្ជូនយន្តហោះឡើងលើមេឃ ដោយបាញ់ទឹកត្រជាក់ ឬទឹកកកស្ងួត ដើម្បីធ្វើឲ្យស្រទាប់ខ្យល់ក្តៅត្រជាក់ សកម្មភាពនេះនឹងហោះហើរបាញ់ទឹកពីរដងក្នុងមួយថ្ងៃ។

ហោះកាត់ផ្ទៃមេឃពណ៌ខៀវនៃទីក្រុងបាងកក យន្តហោះតូចមួយបាញ់អ័ព្ទពណ៌សចូលទៅក្នុងអ័ព្ទដ៏ក្រាស់ នៅលើមេឃ។ វាគឺជាផ្នែកមួយនៃកិច្ចខិតខំប្រឹងប្រែងរបស់ប្រទេសថៃក្នុងការកាត់បន្ថយការបំពុលខ្យល់ដែលគ្រប់ដណ្តប់ពីលើរាជធានី ដែលកម្រិតនៃការបំពុលបានកើនឡើងដល់ទៅប្រាំបីដងខ្ពស់ជាងកម្រិតមធ្យមប្រចាំថ្ងៃអតិបរមាដែលត្រូវបានណែនាំដោយអង្គការសុខភាពពិភពលោក (WHO)។
នៅថ្ងៃទី២៤ ខែមករា រដ្ឋបាលក្រុងបាងកកបានបញ្ជាឱ្យបិទសាលារៀនជាង ៣៥០ កន្លែងក្នុង៣១ស្រុក ពោលគឺច្រើនជាងថ្ងៃមុនចំនួន ១៥០ ដោយសារការបំពុលបរិយាកាស។ បាងកកត្រូវបានគេចាត់ទុកថាជាទីក្រុងធំទី៧ដែលមានការបំពុលខ្លាំងបំផុតក្នុងពិភពលោក នេះបើយោងតាមឧបករណ៍ត្រួតពិនិត្យគុណភាពខ្យល់ IQAir។
នេះជាវិធីសាស្រ្តនៃការបញ្ច្រាស់សីតុណ្ហភាព ដែលក្នុងនោះភ្នាក់ងារទឹកភ្លៀងនឹងបញ្ជូនយន្តហោះឡើងលើមេឃ ដោយបាញ់ទឹកត្រជាក់ ឬទឹកកកស្ងួត ដើម្បីធ្វើឲ្យស្រទាប់ខ្យល់ក្តៅត្រជាក់ពីរដងក្នុងមួយថ្ងៃ។
ទឹកកកស្ងួត (ឧស្ម័ន CO2 ទឹកកក) ត្រូវបានផ្គត់ផ្គង់ដោយក្រុមហ៊ុនប្រេងយក្សថៃ PTT និងក្រុមហ៊ុនថាមពលផ្សេងទៀត។ លើសពីនេះ ក្រុមហ៊ុនឥន្ធនៈហ្វូស៊ីល Bangkok Industrial Gas (BIG) ក៏បានបរិច្ចាគទឹកកកស្ងួតដល់កម្មវិធីក្នុងខែនេះផងដែរ។ នាយកប្រតិបត្តិ BIG លោក Piyabut Charupen បាននិយាយថា អំណោយនេះគឺជាផ្នែកមួយនៃការប្តេជ្ញាចិត្តរបស់ក្រុមហ៊ុនក្នុងការបង្កើតអនាគតប្រកបដោយនិរន្តរភាព។
តាមទ្រឹស្តី ការកាត់បន្ថយភាពខុសគ្នានៃសីតុណ្ហភាពនឹងធ្វើឱ្យវាកាន់តែងាយស្រួលសម្រាប់ភាគល្អិតធូលី PM2.5 ដែលជាប់នៅក្នុងខ្យល់ដើម្បីបំបែកចូលទៅក្នុងបរិយាកាសខាងលើ។ បច្ចេកទេសថ្មីនេះនឹងត្រូវប្រើប្រាស់ជាលើកដំបូងក្នុងឆ្នាំ 2024 ហើយនៅតែស្ថិតក្នុងដំណាក់កាលសាកល្បងនៅឡើយ។
អាជ្ញាធរថៃក៏បានដាក់ពង្រាយយន្តហោះមួយទៀត ដើម្បីវាស់ស្ទង់កំហាប់ជាតិពុលមុននិងក្រោយពេលបាញ់ ដើម្បីវាយតម្លៃភាពខុសគ្នានៃគុណភាពខ្យល់។
លោក Chanti Detyothin ប្រធានកម្មវិធីបាននិយាយថា “កំហាប់ PM 2.5 មានកម្រិតទាបជាង។ ទិន្នន័យបង្ហាញថាធូលីបានរលាយបាត់” ។ ទោះជាយ៉ាងណា លោកបានទទួលស្គាល់ថា វាមិនអាចធ្វើឲ្យការបំពុលបាត់ទាំងស្រុងនោះទេ ទោះបីជាបច្ចេកវិទ្យាថ្មីនេះមានកម្រិតក៏ដោយ៕ ដោយធីរីណា

រូបថត​: baocavovien