ភ្នំពេញ ៖ អគ្គិភ័យឆាបឆេះបន្ទប់ជួល ០១បន្ទប់រងការខូចខាតរួមនឹងសម្ភារៈមួយចំនួនទៀត ខណៈពេលដែលម្ចាស់ដុតធូបសែនចូលឆ្នាំចិនទុចោល ។

អគ្គិភ័យនេះបង្កឲ្យមានការភ្ញាក់ផ្អើលកាលពីវេលាម៉ោង ១០និង៥០នាទីព្រឹកថ្ងៃទី២៨ ខែមករា ឆ្នាំ២០២៥ នៅចំណុច ផ្ទះជួលមួយកន្លែង ស្ថិតនៅតាមផ្លូវលេខ ១៥៦z ភូមិ១២ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ។

ប្រភពព័ត៌មានពីអ្នកក្បែរខាងបានអោយដឹងថា មុនពេលកើតហេតុ គេបានឃើញម្ចាស់ផ្ទះបានដុតទៀនធូបសែនចូលឆ្នាំចិន-វៀតណាម រួចក៏ចាក់សោរចេញទៅក្រៅផ្ទះបាត់ ។ លុះមួយសន្ទុះក្រោយមក ក៏ស្រាប់តែភ្លើងបានឆាប់ឆេះផ្សែងហ៊ុយ លាយលំអណ្តាតភ្លើង បង្កឲ្យមានការភ្ញាក់ផ្អើលដល់អ្នកជិតខាងនិងប្រជាពលរដ្ឋនាំគ្នាជួយពន្លត់និងទាក់ទងហៅរថយន្តពន្លត់អគ្គិភ័យជាច្រើនគ្រឿងទៅអន្តរាគមន៍បាញ់ពន្លត់។

អគ្គិភ័យនេះបានឆាបឆេះ សម្ភារៈក្នុងបន្ទប់ជួលអស់មួយបន្ទប់ រងការខូចខាតអស់ទាំងស្រុង នឹងបានប្រើប្រាស់រថយន្តពន្លត់អគ្គីភ័យរបស់ស្នងការរាជធានីភ្នំពេញ ចំនួន ០៦គ្រឿង បាញ់អោយរលត់ជាស្ថាពរ ។ ចំពោះមូលហេតុ សមត្ថកិច្ចបានសន្និដ្ឋានថាបណ្តាលមកពី អគ្គីភ័យនេះដុតទៀនធូបសែនចូលឆ្នាំចិនទុកចោល៕