អន្តរជាតិ ៖ នារសៀលថ្ងៃទី១៩ ខែកុម្ភៈ ឆ្នាំ២០២៥ គេហទំព័រ «CCFR China state-controlled media » បានផ្សាយឱ្យដឹងថា ៖ កាលពី ថ្ងៃទី ១៨ ខែកុម្ភៈ គណៈប្រតិភូ អាមេរិក និង រុស្ស៊ី បាន ធ្វើ កិច្ចជំនួប នៅ ទីក្រុងរីយ៉ាត រាជធានី អារ៉ាប៊ីសាអូឌីត។ ក្រសួងការបរទេស អាមេរិក បាន ចេញ សេចក្តីថ្លែងការណ៍បន្ទាប់ ពី បាន បញ្ចប់កិច្ច ជំនួប ដោយលើកឡើងថា អាមេរិក និង រុស្ស៊ី បាន ឈាន ដល់ មតិឯកភាព ចំនួន ៤ ចំណុច ស្តីពី ការដោះស្រាយ “បញ្ហា លំបាក ” រវាង ប្រទេសទាំងពីរ អាមេរិកនិងរុស្ស៊ី និង ការបញ្ចប់ ការប៉ះទង្គិច រវាង រុស្ស៊ីនិងអ៊ុយក្រែន។

អន្តរជាតិ ៖ នារសៀលថ្ងៃទី១៨ ខែកុម្ភៈ ឆ្នាំ២០២៥ គេហទំព័រ «CCFR China state-controlled media » បានផ្សាយឱ្យដឹងថា ៖ សេចក្តីថ្លែងការណ៍ បាន បន្ដថា ជាបឋម ភាគីទាំងពីរ ឯកភាព ពី ការ បង្កើត យន្តការ ពិគ្រោះពិភាក្សា ដើម្បី ដោះស្រាយ “បញ្ហា លំបាក” រវាង ទំនាក់ទំនង ទ្វេភាគី ក្នុងគោលបំណង ចាត់វិធានការ ដ៏ ចាំបាច់ ដើម្បីឱ្យ ការប្រាស្រ័យទាក់ទងរវាង គណប្រតិភូ កាទូត របស់ ប្រទេស ទាំងពីរ ដំណើរការ ជាប្រក្រតី។ ទីពីរ ភាគីទាំងពីរ ឯកភាព បង្កើត ក្រុមការងារ ថ្នាក់ខ្ពស់ ដោយឡែកពីគ្នា ដើម្បី ចាប់ផ្តើម ធ្វើការខិតខំ បញ្ចប់ ការប៉ះទង្គិច នៅ អ៊ុយក្រែន តាម វិធីសាស្ត្រ ដែល ប្រកបកដោយ និរន្តរភាព ហើយ បណ្តា ភាគីទទួលយក បាន ជាទូទៅ ។ ទីបី ភាគី ទាំងពីរ ឯកភាព ចាក់គ្រឹះ ធ្វើ កិច្ចសហប្រតិបត្តិការ នៅពេលអនាគត ក្នុងវិស័យ ដូចជា បញ្ហា ផលប្រយោជន៍ នយោបាយ ភូមិសាស្ត្រ រួម សេដ្ឋកិច្ច និង ការបណ្តាក់ទុន ដែល នឹង លេចចេញ តាមរយៈ ការបញ្ចប់ ការប៉ះទង្គិច រវាង រុស្ស៊ីនិង អ៊ុយក្រែន។ ទីបួន ក្រុម ការងារ ដែល បាន ចូលរួម កិច្ចជំនួប ថ្ងៃនោះ សន្យា ថា នឹង បន្ត ទាក់ទងគ្នា ដើម្បី ធានា ជាក់លាក់ ដល់ ការ ជំរុញ ដំណើរការ ចរចា តាម វិធីសាស្ត្រ ដែល ទាន់ពេលវេលា និង ប្រកប ដោយ ប្រសិទ្ធភាព ខ្ពស់៕

ដោយ ៖ សិលា