ភ្នំពេញៈ យុវជន២នាក់ជិះម៉ូតូហុងដាឌ្រីមបោះពួយខ្វះការប្រុងប្រយ័ត្ននៅផ្លូវបំបែកជាបួនក៏ជ្រុលទៅបុុកនិងរថយន្តតូយ៉ូតាព្រុសយ៉ាងពេញទំហឹងបណ្តាលឲ្យរងការខូចខាត។
ហេតុការណ៍នេះបានកេីតឡេីងនៅវេលាម៉ោង៤និង៥០នាទីយប់ថ្ងៃទី២៦ខែកុម្ភៈឆ្នាំ២០២៥ ចំនុចផ្លូវ១៩៩កែងផ្លូវ៣២៨សង្កាត់ទួលស្វាយទីទី២ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញបុរសម្នាក់បានបេីករថយន្តម៉ាក តូយូតាព្រុសពណ៌ទឹកប្រាក់ ពាក់ស្លាកលេខ ភ្នំពេញ2BX 5313 បេីកធ្វើដំណើរតាមបណ្តោយផ្លូវ ១៩៩ទិសដៅពីកេីតទៅលិច លុះមកដល់ចំនុចកេីតហេតុ ដែលជាផ្លូវបំបែកជាបួន ក៍ស្រាប់តែយុវជន២នាក់បានជិះម៉ូតូម៉ាកហុងដាឃ្លីក ពណ៌ខ្មៅ ពាក់ស្លាកលេខ សៀមរាប 1AH 1383បានជិះបោះពួយតាមបណ្ដោយផ្លូវ៣២៨ទិសដៅពីត្បូងទៅជេីងល្បឿនលឿនហេីយអ្នកបេីកម៉ូតូស្រវឹងផងនោះ ក៏ជ្រុលទៅបុុកនិងរថយន្តយ៉ាងពេញទំហឹង បណ្តាលឲ្យម៉ូតូខ្ទេចស្រុញផ្នែកខាងមុខព្រមទាំងធ្វើឲ្យអ្នកទាំង២របួសរលាត់ដៃជើង ចុកឆ្អល់តែមិនបានទៅមន្ទីរពេទ្យនោះទេ ។
ដោយឡែកខាងរថយន្តវិញរងការខូចខាតកំពិតទ្វារមួយចំហៀងខាងឆ្វេង និងបែកកញ្ចក់តែមិនគ្រោះថ្នាក់ដល់មនុស្សដូចគ្នា ។
ក្រោយពេលកេីតហេតុ ភាគីទាំងសងខាងមិនចង់មានរឿងវែងឆ្ងាយ ក៍សម្រេចបញ្ចប់រឿងដោយសុខចិត្តយកមធ្យោបាយទៅជួសជុលរៀងៗខ្លួន ៕
ដោយ៖សុខាសែនជ័យ
