សហរដ្ឋអាមេរិកនឹងចាប់ផ្តើមកម្មវិធីទិដ្ឋាការថ្មីមួយដែលមានឈ្មោះថា “កាតមាស” ក្នុងតម្លៃ 5 លានដុល្លារដោយបើកផ្លូវថ្មីមួយទៅកាន់អន្តោប្រវេសន៍ស្របច្បាប់។

ប្រធានាធិបតីអាមេរិក Donald Trump បានប្រាប់អ្នកយកព័ត៌មាននៅការិយាល័យ Oval នាថ្ងៃទី 25 ខែកុម្ភៈថា “យើងនឹងលក់ប័ណ្ណមាស។ យើងមានកាតបៃតងរួចហើយ ឥឡូវនេះយើងនឹងលក់កាតមាស។ យើងនឹងផ្តល់តម្លៃវាដល់ទៅ 5 លានដុល្លារ ហើយវានឹងផ្តល់ឱ្យអ្នកនូវអត្ថប្រយោជន៍ដូចគ្នាទៅនឹងកាតបៃតង” ។
លោកប្រធានាធិបតី Trump បាននិយាយថា កម្មវិធីនេះនឹងចាប់ផ្តើមក្នុងរយៈពេលពីរសប្តាហ៍ខាងមុខ ហើយបានទទូចថា រដ្ឋបាលរបស់លោកមិនត្រូវការការអនុម័តពីសភាទេ។ ទំហំពិតប្រាកដនៃផែនការ និងរបៀបដែលវានឹងត្រូវអនុវត្តនៅមិនទាន់មានភាពច្បាស់លាស់នៅឡើយទេ។
លេខាធិការ Lutnick បាននិយាយថា កម្មវិធីនេះអាចជំនួសទិដ្ឋាការ EB-5 បច្ចុប្បន្ន ដែលអនុញ្ញាតឱ្យជនបរទេសទទួលបានកាតបៃតងដោយការវិនិយោគចំនួនទឹកប្រាក់ជាក់លាក់នៅក្នុងអាជីវកម្មរបស់សហរដ្ឋអាមេរិក។
នៅពេលសួរថា តើអ្នកចូលរួមត្រូវវិនិយោគចំនួនប្រាក់ជាក់លាក់ដើម្បីមានលក្ខណៈគ្រប់គ្រាន់សម្រាប់កាតមាសដែរឬទេ រដ្ឋមន្ត្រី Lutnick បានបញ្ជាក់ថា «បាទ» ដោយបន្ថែមថា ប្រាក់នេះអាចបង់ដោយផ្ទាល់ទៅរដ្ឋាភិបាល។
លោក Lutnick បាននិយាយថា “ប្រធានាធិបតីបាននិយាយថាជំនួសឱ្យការបន្តកម្មវិធី EB-5 ដែលមិនសមហេតុសមផល យើងនឹងបញ្ចប់វា ហើយជំនួសវាដោយកាតមាសរបស់ប្រធានាធិបតី Trump ។ ពួកគេនឹងអាចបង់ប្រាក់ចំនួន 5 លានដុល្លារដល់រដ្ឋាភិបាលសហរដ្ឋអាមេរិក។ ជាការពិត យើងនឹងនៅតែធ្វើការពិនិត្យឱ្យបានហ្មត់ចត់ ដើម្បីប្រាកដថាពួកគេជាពលរដ្ឋសកលលោកវរជន” លោក Lutnick បាននិយាយថា ប្រាក់ចំណូលពីកម្មវិធីកាតមាសនឹងត្រូវបានប្រើដើម្បីកាត់បន្ថយឱនភាពថវិកា។
ប្រធានាធិបតី Trump បានទទូចថាគាត់ចង់រក្សាផ្លូវច្បាប់សម្រាប់អន្តោប្រវេសន៍ទៅកាន់សហរដ្ឋអាមេរិក ខណៈដែលគាត់អនុវត្តយុទ្ធនាការនិរទេសទ្រង់ទ្រាយធំប្រឆាំងនឹងជនអន្តោប្រវេសន៍ដែលគ្មានឯកសារ៕ ដោយធីរីណា

រូបថត​: AFP