ភ្នំពេញ៖ កម្លាំងល្បាតក្នុងមូលដ្ឋានប៉ុស្តិ៍អូរឫស្សី៤ ចុះឡោមព័ទ្ធចាប់ជនសង្ស័យម្នាក់បានភ្លាមៗ និងដកហូតបានសារធាតុញៀនប្រភេទក្រាមសថ្លាចំនួន៣កញ្ចាប់នៅវេលាម៉ោង៧ និង៥០នាទីយប់ថ្ងៃទី១៩ ខែសីហា ឆ្នាំ២០១៦ នៅចំណុចផ្លូវឌឿងហែម២១៧ ក្នុងសង្កាត់អូរឫស្សី៤ ខណ្ឌ៧មករា រាជធានីភ្នំពេញ។

ជនសង្ស័យមានឈ្មោះ ង៉ែត ប៊ុនលី ភេទប្រុស អាយុ៣២ឆ្នាំ មុខរបរលក់បាយ នៅមុខរោងចក្រ ម្ដុំវត្តសំរោងអណ្ដែត នៅផ្ទះជួល ម្ដុំផ្សារថ្មី ក្នុងសង្កាត់ផ្សារថ្មី១ ខណ្ឌដូនពេញ រាជធានីភ្នំពេញ។

តាមប្រភពព័ត៌មានបានឲ្យដឹងថា នៅមុនពេលឈានដល់ឃាត់ខ្លួនជនសង្ស័យខាងលើបានដើរចូលមកផ្ទះប្រជាពលរដ្ននៅចំណុចផ្លូវឌឿងហែម២១៧ ក៏ស្រាប់តែម្ចាស់ផ្ទះបានស្រែកថាចោរៗភ្លាមនោះសមត្ថកិច្ចដែលកំពុងល្បាតនៅក្នុងមូលដ្នានក៏លឺម្ចាស់ស្រែកក៏បានធ្វើការឡោមព័ទ្ធចាប់ជនសង្ស័យម្នាក់បានភ្លាមៗ និងដកហូតបានសារធាតុញៀនប្រភេទក្រាមសថ្លាចំនួន៣កញ្ចាប់ទៀតដែលនៅក្នុងខ្លួនជនសង្ស័យផងដែរ។

បច្ចុប្បន្នជនសង្ស័យរួមទាំងវត្ថុតាងត្រូវបានកម្លាំងនគរបាលប៉ុស្តិ៍នាំយកទៅឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌ៧មករា ដើម្បីចាត់ការតាមនីតិវិធី៕

ដោយ៖ ស រស្មី