ភ្នំពេញៈ បុរសជនជាតិចិនបេីករថយន្តRANGE ROVER ខ្វះការប្រុងប្រយ័ត្ននៅផ្លូវបំបែកជាបួនក៏ជ្រុលទៅបុុកនិងរថយន្ត កាម៉ារីបាឡែន ដែលបេីកដោយបុរសជនជាតិខ្មែរ រងការខូចខាតយ៉ាងដំណំ ។
ហេតុការណ៍នេះបានកេីតឡេីងនៅវេលាម៉ោង១និង២០នាទីរំលងអាធ្រាត្រ ឈានចូលថ្ងៃទី៣ខែមិនាឆ្នាំ២០២៥ ចំនុចក្រោយមន្ទីរពេទ្យរុស្ស៊ី ផ្លូវ១៩៩កែងផ្លូវ៤៣០ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មាន ពីកន្លែងកើតហេតុ បានអោយដឹងថា មុនពេលកេីតហេតុគេបានឃើញបុរស៣នាក់ជនជាតិខ្មែរ រួមទាំងអ្នកបេីកបររថយន្តម៉ាក កាម៉ារីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ 2AO 0984 បានបេីក ធ្វើ ដំណើរតាម បណ្តោយ ផ្លូវ ៣៤០ទិសដៅពី ត្បូងទៅជេីងលុះមកចំនុចកេីតហេតុ ដែលជាផ្លូវបំបែកជាបួន ក៏ស្រាប់តែបុរសជាជនជាតិ២នាក់រួមទាំងអ្នកបេីកបរ បានបេីករថយន្តម៉ាក RANGE ROVER ពណ៌ស ពាក់ស្លាកលេខភ្នំពេញ2AQ 9897 តាមបណ្ដោយផ្លូវ១៩៩ទិសដៅពីកេីតទៅលិចក្នុងស្ថានភាពស្រវឹង ជ្រុលទៅបុុកនិងរថយន្តកាម៉ារីបាឡែន ចំថ្ពាល់មុខចំហៀងខាងស្តាំយ៉ាងពេញទំហឹង បណ្តាលឲ្យរថយន្តរេចង្កូតជ្រុលទៅបុុកនិងបង្គោលថ្ម នៅចិញ្ចើមផ្លូវរងការខូចខាតរថយន្តផ្នែកខាងមុខយ៉ាងដំណំ ។
ដោយឡែកខាងរថយន្ត RANGE ROVER វិញរងការខូចខាតខ្ទេចផែ្នកខាងមុខ តែក្នុងហេតុការណ៍នេះមិនគ្រោះថ្នាក់ដល់មនុស្សណាម្នាក់នោះទេ ។
ក្រោយកេីតហេតុអត់ទាន់ដំណោះស្រាយភ្លាមៗមធ្យោបាយទាំងអស់ត្រូវសមត្ថកិច្ចជំនាញចរាចរណ៍វាស់យកទៅរក្សាទុកនៅការិយាល័យនគរបាលចរាចរណ៍ផ្លូវគោកដេីម្បីរង់ចាំដំណោះស្រាយ ៕
ដោយ៖សុខាសែនជ័យ
