ភ្នំពេញ៖ កម្លាំងល្បាតរបស់នគរបាលប៉ុស្តិ៍បឹងកក់ទី១ និងប៉ុស្តិ៍បឹងកក់ទី២ បានឃាត់ខ្លួនជនសង្ស័យម្នាក់ជាក់ស្តែងពាក់ព័ន្ធករណីជួញដូរគ្រឿងចំនួន៤កញ្ចប់តូច។

ករណីឃាត់ខ្លួននេះធ្វើឡើងនៅវេលាម៉ោង១២ និង៣០នាទីយប់រំលងអាធ្រាត្រឈានចូលថ្ងៃទី១៩ ខែសីហា ឆ្នាំ២០១៦ នៅចំណុចផ្លូវ រថភ្លើង ក្រុមទី៥៤ ភូមិ១៤ សង្កាត់បឹងកក់ទី១ ខណ្ឌទួលគោក រាជ ធានីភ្នំពេញ ។

ជនសង្ស័យមានឈ្មោះ ទិត្យ សារ៉េត ហៅរ៉េត ភេទប្រុស អាយុ៣០ឆ្នាំ មុខរបរកម្មករលក់បាយ ស្នាក់នៅផ្ទះគ្មានលេខប្លុកបឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ ។ ចំណែកវត្ថុតាងចាប់យករួមមាន៖ កាបូបស្ពាយពណ៌ស១ ,  ក្រាមពណ៌សថ្លា ( សង្ស័យជាគ្រឿងញៀន) ចំនួន៤កញ្ចប់តូច ,  បំពង់កែវសម្រាប់ជក់គ្រឿងញៀនចំនួន៧ ,  កូនពិលតូចពណ៌ខៀវ១។

បច្ចប្បន្នជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមច្បាប់ ៕

ដោយ៖ ស ដារ៉ា