ភ្នំពេញ៖ កម្លាំងនគរបាលខណ្ឌពោធិ៍សែនជ័យស្រាវជ្រាវឃាត់មុខសញ្ញាចែកចាយគ្រឿងញៀនដ៏សកម្មម្នាក់ កាលពីវេលាម៉ោង៧ និង៣០នាទីយប់ ថ្ងៃទី១៩ ខែសីហា ឆ្នាំ២០១៦ នៅចំណុចភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ ដោយធ្វើការដកហូតថ្នាំញៀន២កញ្ចប់ធំតូច ដែលមានតម្លៃពី២ពាន់ទៅ៣ពាន់ដុល្លារ និងម៉ូតូ១គ្រឿងម៉ាកScoopy ផងដែរ។

ជនសង្ស័យមាន ឈ្មោះ ជា សុភា ភេទប្រុស អាយុ២៧ឆ្នាំ មុខរបមិនពិតប្រាកដ ស្នាក់នៅភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ។

ដោយមានការរាយការណ៍ពីប្រជាពលរដ្ឋដែលនៅក្បែរថា មានជនសង្ស័យជាមេខ្លោងបានចែកចាយគ្រឿងញៀនយ៉ាងសកម្មនៅចំណុចខាងលើត ទើបលោកយឹម សារ៉ាន់ អធិការនគរបាលខណ្ឌពោធិ៍សែនជ័យបញ្ជាឲ្យកម្លាំងក្រោមឱវាទតាមដាន និងស្រាវជ្រាវរហូតឈានដល់ការឃាត់ខ្លួនជនសង្ស័យជាក់ស្តែងតែម្តង។

ក្រោយពីធ្វើការឃាត់ខ្លួនជនសង្ស័យខាងលើយកទៅសួរនាំនៅអធិការដ្ឋាននគរបាលខណ្ឌពោធិ៍សែនជ័យ ដើម្បីក៏សាងសំណុំរឿងបញ្ជូនទៅតុលាការចាតការតាមនីតិវិធីច្បាប់៕

ដោយ៖ សុខាសែនជ័យ