ប្រទេសចិន៖ យោងតាមគេហទំព័រ «CCFR China state-controlled media » បានចុះផ្សាយថា៖ នៅព្រឹកថ្ងៃអង្គារទី១១ ខែមីនា ឆ្នាំ២០២៥នេះ គណៈប្រតិភូតំណាងប្រជាជននានាដែលចូលរួមមហាសន្និបាតលើកទី ៣ នៃ សភាតំណាងប្រជាជនទូទាំងប្រទេសចិននីតិកាលទី ១៤ បានបើកធ្វើកិច្ចប្រជុំតាមក្រុមដើម្បីពិនិត្យពិភាក្សាលើសេចក្តីព្រាងច្បាប់ស្តីពីរបាយការណ៍ការងារនៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន របាយការណ៍ការងារនៃតុលាការប្រជាជនកំពូល និងរបាយការណ៍ការងារនៃសាលាអយ្យការប្រជាជនកំពូល ព្រមទាំងបើកធ្វើកិច្ចប្រជុំគណៈអធិបតីលើកទី ៤ ។
គេហទំព័រ CCFR បាននិយាយបន្ថែមថា នារសៀលថ្ងៃដដែល មហាសន្និបាតលើកទី ៣ នៃសភាតំណាងប្រជាជនទូទាំងប្រទេសចិននីតិកាល ទី ១៤ បានបិទសម័យប្រជុំនៅវិមានសភាប្រជាជនដោយមានការបោះឆ្នោតអនុម័តលើសេចក្តីព្រាងច្បាប់ស្តីពីរបាយការណ៍ការងាររដ្ឋាភិបាល, ច្បាប់តំណាងប្រជាជននៃមហាសន្និបាតសភាតំណាងប្រជាជនទូទាំងប្រទេសចិននិងសភាតំណាងប្រជាជនគ្រប់ជាន់ថ្នាក់តាមមូលដ្ឋាន និងផែនការអភិវឌ្ឍន៍សេដ្ឋកិច្ចជាតិនិងសង្គមឆ្នាំ ២០២៥ ជាដើម៕ដោយ៖តារា
