ខេត្តបាត់ដំបង៖ ស្នងការដ្ឋាននគរបាលខេត្តបាត់ដំបង នៅរសៀលថ្ងៃទី១១ ខែមីនា ឆ្នាំ២០២៥នេះ បានឱ្យដឹងថា កម្លាំងជំនាញ នៃអធិការដ្ឋាននគរបាលស្រុកបាណន់ ដឹកនាំដោយលោកវរសេនីយ៍ទោ ហេង បារាំង អធិការនគរបាលស្រុកបាណន់ កាលពីរសៀលម្សិលមិញនេះ បានចុះបង្រ្កាបករណីលេងល្បែងស៊ីសងដោយខុសច្បាប់ (ជល់មាន់) ០១លើក នៅចំណុចទួលធ្នង់ ស្ថិតក្នុងភូមិស្វាយព្រៃ ឃុំកន្ទឺ១ ស្រុកបាណន់ ខេត្តបាត់ដំបង ជាក់ស្ដែងកម្លាំងសមត្ថកិច្ចជំនាញ បាននាំខ្លួនអ្នកលេងល្បែងស៊ីសងដោយខុសច្បាប់ ០៦នាក់ យកមកអនុវត្តតាមច្បាប់។
មនុស្សចំនួន ០៦នាក់ ដែលត្រូវសមត្ថកិច្ចជំនាញឃាត់ខ្លួន រួមមាន៖ ១-ឈ្មោះ ឡេង ឆេងហាក់ ភេទប្រុស អាយុ៣៥ឆ្នាំ មានទីលំនៅភូមិស្នឹង ឃុំស្នឹង ស្រុកបាណន់ ខេត្តបាត់ដំបង ។
២-ឈ្មោះ ជឹម វឿត ភេទប្រុស អាយុ៥២ឆ្នាំ មានទីលំនៅភូមិក្រពើកើត ឃុំភ្នំសំពៅ ស្រុកបាណន់ ខេត្តបាត់ដំបង ។
៣-ឈ្មោះ ផន មិត្ត ភេទប្រុស អាយុ៦៧ឆ្នាំ មានទីលំនៅភូមិកញ្ជ្រោង ឃុំបាយដំរាំ ស្រុកបាណន់ ខេត្តបាត់ដំបង ។
៤-ឈ្មោះ ឆាយ ឆាត់ ភេទប្រុស អាយុ៦៥ឆ្នាំ មានទីលំនៅភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង ។
៥-ឈ្មោះ ចាន់ ថាថៃ ហៅ ប្រឺត ភេទប្រុស អាយុ២៦ឆ្នាំ មានទីលំនៅភូមិសសរពក ឃុំកន្ទឺ១ ស្រុកបាណន់ ខេត្តបាត់ដំបង ។
៦-ឈ្មោះ វ៉េន វណ្ណា ភេទប្រុស អាយុ៦១ឆ្នាំ មានទីលំនៅភូមិអូរស្រឡាយ ឃុំក្រពើពីរ ស្រុកវាលវែង ខេត្តពោធិ៍សាត់ នាំមកកាន់អធិការដ្ឋាននគរបាលស្រុកបាណន់ ។
ចំណែកវត្ថុតាងដកហូតរួមមាន៖ មាន់ចំនួន ០២ក្បាល, អេប៉ុង(សង្វៀន)ចំនួន០១, ជញ្ជីងថ្លឹងចំនួន០១, ឆ្នាំងដាំទឹកចំនួន០១, ម៉ូតូចំនួន ១១គ្រឿង។
បច្ចុប្បន្ន កម្លាំងអធិការដ្ឋាននគរបាលស្រុកបាណន់ កំពុងកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់វិធានការតាមនីតិវិធី៕
ដោយ៖តារា
