ភ្នំពេញ៖ មនុស្ស៨នាក់ទៀតត្រូវបានសមត្ថកិច្ចខណ្ឌសែនសុខធ្វើការឃាត់ខ្លួនបន្ទាប់ពីពួកគេបានទៅប្រមូលផ្តុំគ្នាជក់គ្រឿងញៀននៅចំណុចមុខមន្ទីរពេទ្យព្រះកុសុមៈ(ពេទ្យលោកសង្ឃ) កាលពីវេលាម៉ោង៥និង៣០នាទីល្ងាច ថ្ងៃទី២១ ខែសីហា ឆ្នាំ២០១៦ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។
លោក សុខ សុផល នាយប៉ុស្តិ៍នគរបាលរដ្ឋបាលទឹកថ្លា បានអោយដឹងថា មុននិងឃាត់ខ្លួនជនសង្ស័យទាំ០៨ខាងលើដោយមានបញ្ជាពីលោកវរសេនីយ៍ឯក ម៉ក់ ហុង អធិការនគរបាលខណ្ឌសែនសុខបានអោយលោកដឹកនាំកំលាំងចុះធ្វើរដ្ឋបាលនៅចំណុចខាងលើដើម្បីទប់ស្កាត់បទល្មើសផ្សេងៗ ហើយកន្លែងនេះជាកតំបន់ស្មុគ្រស្មាញសំបូរទៅដោយអ្នកប្រើប្រាស់គ្រឿងញៀនផងនោះទើបលោកបានដឹកនាំកំលាំងប៉ុស្តិ៍ទឹកថ្លានិងកម្លាំងអន្តរាគមន៍នៃអធិការដ្ឋានខណ្ឌចុះធ្វើរដ្ឋបាលនៅតំបន់ខាងលើឈានដល់ការឃាត់ខ្លួនបានក្រុមអ្នកប្រើប្រាស់គ្រឿងញៀន០៨នាក់រួមនិងសម្ភារសំរាប់ជក់ថ្នាំមួយចំនួនទៀត។
បច្ចុប្បន្នជនសង្ស័យទាំង០៨នាក់កំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការតាមផ្លូវច្បាប់៕
ដោយ៖ តុង សីហា
