ខេត្តកំពង់ចាមៈ នៅពេលនេះសម្តេចតេជោ ហ៊ុន សែនកំពុងធ្វើដំណើរចេញពីខេត្តកំពង់ចាមឆ្ពោះមកកាន់ខេត្តព្រះវិហារ ដែលបានអញ្ជើញចេញដំណើរតាំងពីម៉ោង៥:០០ព្រឹកដើម្បីចុះមកពិនិត្យសមិទ្ឋផលជាតិ និងជួបសួរសុខទុក្ខមន្រ្តីរាជការ កូន ក្មួយសិស្សានុសិស្ស ព្រមទាំងពិនិត្យនិងដោះស្រាយបញ្ហាប្រឈមមួយចំនួនដល់ប្រជាពលរដ្ឋ។
សម្តេចមានប្រសាសន៍ថាៈ ជាថ្មីម្តងទៀតខ្ញុុំសូមអភ័យ ទោស ដែលមិនបានចុះសួរសុខទុក្ខបប្អូនអាជីវករខេត្តកំពង់ចាម។ ខ្ញុំនឹងវិលមកជួបបងប្អូននៅពេលឆាប់ៗនេះ។
សម្តេចមានប្រសាសន៍លើកឡើងផងដែរថាៈ សន្តិភាពដែលយើងរកបានតាមរយៈនយោបាយ ឈ្នះ ឈ្នះ អនុញ្ញាត្តិឱ្យប្រជាជនរាប់ទាំងរូបខ្ញុំអាចធ្វើដំណើរបានទាំងយប់
ដោយគ្មានការភ័យខ្លាចដូចពេលប្រទេសមានសង្គ្រាមនោះឡើយ។
ដោយសម្តេចបន្តថាៈ ខ្ញុំពិតជាមានការរីករាយដោយបានពិនិត្យឃើញសកម្មភាព ប្រជាជននៅក្បែរភ្លឺតាមដងផ្លូវដែលខ្ញុំឆ្លងកាត់រាប់ទាំងចំការកៅ
ស៊ូនៃស្រុកចំការលើផង។ ខ្ញុំសង្ឃឹមថាជនរួមជាតិនឹងរួមជាមួយខ្ញុំដើម្បីការពារសន្តិភាពសំរាប់់បន្តការអភិវឌ្ឍសេដ្ឋកិច្ច សង្គមជាបន្តទៀត៕
ដោយ សុខ ខេមរា
