ខេត្តត្បូងឃ្មំុ៖ ជនសង្ស័យម្នាក់រួមនិងវត្ថុតាងសង្ស័យជាថ្នាំញៀនត្រូវបានកំលាំងនគរបាលក្រុងសួងធ្វើការឃាត់ខ្លួនចាត់ការតាមនិតិវិធី។

ប្រតិបត្តិការនេះធ្វើឡើងនៅវេលាម៉ោង ១១:០០នាទី ថ្ងៃ២៤ ខែសីហា ឆ្នាំ២០១៦ នៅចំណុចភូមិវិហារខ្ពស់ សង្កាត់សួង ក្រុងសួង ខេត្តត្បូងឃ្មំុ។

លោក ឈន សុធន អធិការនគរបាលក្រុងសួងបានបញ្ជាក់ឲ្យដឹងថា ជនសង្ស័យ ឈ្មោះ អ៊ាម ពិសិដ្ឋ ភេទប្រុស អាយុ៣៦ឆ្នាំ ជាតិខ្មែរ នៅភូមិកណ្តាល សង្កាត់សួង ក្រុងសួង។

ក្នុងនោះនគរបាលជំនាញ ដកហូតបានម៉្សៅក្រាមពណ៌សថ្លាសង្ស័យជាថ្នាំញៀន១៨កញ្ចប់រួមនិងវត្ថុតាងមួយចំនួន។ បច្ចុប្បន្នជនសង្ស័យរួមនិងវត្ថុតាងត្រូវបានសម្មត្ថកិច្ចជំនាញកំពុងចងក្រងសំណំុរឿងបញ្ជូនទៅសាលាដំបូងចាត់ការតាមនិតិវិធី៕

ដោយ៖ វណ្ណះ