ខេត្តកំពង់ស្ពឺ ៖នាថ្ងៃពុធ ១១កើត ខែពិសាខ ឆ្នាំម្សាញ់ សប្តស័ក ព.ស. ២៥៦៨ ត្រូវនឹង ថ្ងៃ ទី៧ ខែឧសភា ឆ្នាំ២០២៥ ដោយបានការយកចិត្ដទុក ដាក់អនុវត្ដតាមប្រសាសន៍ណែនាំលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ គ្រប់កិច្ចប្រជុំការងារសំខាន់គឺលោកបានក្រេីនរំលឹកលេីការអនុវត្ដឱ្យបាន នូវការអនុវត្ដលេីដីកាតុលាការក្នុងការស្រាវជ្រាវបង្រ្កាបមុខសញ្ញាមានដីកាចាប់ខ្លួនលេីបទល្មេីសដែលត្រូវបានចេញដោយចៅក្រម។
កំលាំងជំនាញប្រឆាំងគ្រឿងញៀនបានសហការជាមួយ កំលាំងអធិការនគរបាលស្រុកគងពិសី ប៉ុស្តិ៍នគរបាលរដ្ឋបាល ឃាត់ខ្លួនមុខសញ្ញាជនជាប់ចោទនៅចំណុចភូមិអូរតាពូង ឃុំរកាកោះ ស្រុកគងពិសី តាមដីកាបង្គាប់ឱ្យចាប់ខ្លួន របស់ចៅក្រមសាលាដំបូងខេត្តកំពង់ស្ពឺ ៖
១. ឈ្មោះ សែម ច័ន្ទរៈ ភេទប្រុស អាយុ ៣៣ឆ្នាំ រស់នៅភូមិអូរតាពូង ឃុំរកាកោះ ស្រុកគងស្រុកគងពិសី លេខ ៤២៩ ចុះថ្ងៃទី២៣ ខែសីហា ឆ្នាំ២០២៣ របស់លោក សំ ប៊ុនពៅ ចៅក្រមជំនុំជម្រះ ពីបទជួញដូរដោយខុសច្បាប់នូវសារធាតុញៀន ។
២. ឈ្មោះ សែម ចាន់បុត្រ ភេទប្រុស អាយុ៣៧ឆ្នាំ រស់នៅភូមិអូរតាពូង ឃុំរកាកោះ ស្រុកគងពិសី តាមដីកាបង្គាប់ឲ្យចាប់ខ្លួន លេខ ៧៣២ ចុះថ្ងៃទី២៤ ខែធ្នូ ឆ្នាំ ២០២៤ របស់លោក អ៉ី ឋាវរៈ ចៅក្រមស៊ើបសួរ នៃសាលាដំបូងខេត្ដកំពង់ស្ពឺ ពីបទ: ប្រើប្រាស់ដោយខុសច្បាប់នូវសារធាតុញៀន ។
ក្រោយអនុវត្ដដីកា សមត្ថកិច្ចនគរបាលបានធ្វេីការនាំខ្លួនជនជាប់ចោទមកកាន់ សាលាដំបូងខេត្តកំពង់ស្ពឺ ដេីម្បីអនុវត្តចំពោះមុខ អយ្យការអមសាលាដំបូងខេត្ដកំពង់ស្ពឺ អំពីទោសនិងបទចោទ ចំពោះខ្លួននិងបាននាំខ្លួនទៅឃុំខ្លួននៅពន្ធនាគារខេត្តកំពង់ស្ពឺ ៕
