ភ្នំពេញ ៖ លោក តាន់ ហ្សង់ហ្វ្រង់ស័រ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការការបរទេស និងសហប្រតិបត្តិការអន្តរជាតិ បានមានប្រសាសន៍ថា រយៈពេល៣ខែចុងក្រោយនេះ កម្ពុជាកំពុងពង្រឹងមិត្តភាពចាស់ ពង្រីកមិត្តភាពថ្មីជាមួយបណ្តាប្រទេសទាំងអស់ ដើម្បីបន្តការពារឧត្តមប្រយោជន៍ស្នូលនៃកម្ពុជា។

ការលើកឡើងបែបនេះ ក្នុងវេទិកាសារព័ត៌មានលើកទី៧ ស្តីពី កម្ពុជាឈរកាន់តែរឹងមាំក្នុងឆាកនយោបាយជាតិ តំបន់ និងអន្តរជាតិ នៅថ្ងៃទី១៩ ខែឧសភា ឆ្នាំ២០២៥ នាទីស្តីការគណៈរដ្ឋមន្ត្រី ។
លោក បញ្ជាក់ថា បេសកកម្មផ្តល់សន្ទុះដល់ការទូតកម្ពុជានេះ ត្រូវដឹកនាំផ្ទាល់យ៉ាងសកម្ម ដោយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានិងសម្តេចមហាបវរធិបបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕

ដោយ ៖ សិលា