ប្រធានពាណិជ្ជកម្មរបស់សហភាពអឺរ៉ុបបាននិយាយថា ប្លុកដែលមានសមាជិកទាំង 27 នេះប្តេជ្ញាធានាកិច្ចព្រមព្រៀងពាណិជ្ជកម្មជាមួយសហរដ្ឋអាមេរិកដោយផ្អែកលើ “ការគោរព” មិនមែន “ការគំរាមកំហែង” នោះទេ។

ការថ្លែងដូចនេះកើតឡើងបន្ទាប់ពីប្រធានាធិបតីអាមេរិកលោក Donald Trump បានគំរាមថានឹងដាក់ពន្ធ 50% លើទំនិញទាំងអស់ដែលផ្ញើទៅសហរដ្ឋអាមេរិកពីសហភាពអឺរ៉ុប ។

ប្រធានពាណិជ្ជកម្មសហភាពអឺរ៉ុប លោក Maros Sefcovic បាននិយាយបន្ទាប់ពីការហៅទូរស័ព្ទជាមួយអ្នកតំណាងពាណិជ្ជកម្មអាមេរិក លោក Jamieson Greer និងរដ្ឋមន្ត្រីក្រសួងពាណិជ្ជកម្មលោក Howard Lutnick ថា “សហភាពអឺរ៉ុបបានចូលរួមយ៉ាងពេញលេញ ដោយបានប្តេជ្ញាចិត្តក្នុងការធានានូវកិច្ចព្រមព្រៀងដែលដំណើរការសម្រាប់ទាំងពីរ។ ពាណិជ្ជកម្ម អឺរ៉ុប-អាមេរិក គឺមិនអាចប្រៀបផ្ទឹមបាន ហើយត្រូវតែត្រូវបានដឹកនាំដោយការគោរពគ្នាទៅវិញទៅមក មិនមែនជាការគំរាមកំហែងទេ។ យើងត្រៀមខ្លួនរួចជាស្រេចដើម្បីការពារផលប្រយោជន៍របស់យើង”។

នៅព្រឹកថ្ងៃសុក្រ លោក Trump បានសម្តែងការមិនអាចអត់ធ្មត់ចំពោះល្បឿននៃការចរចាពាណិជ្ជកម្មរវាងសហភាពអឺរ៉ុប និងសហរដ្ឋអាមេរិកដែលកំពុងបន្ត ដោយនិយាយថាផែនការរបស់លោកក្នុងការដំឡើងពន្ធនៅថ្ងៃទី 1 ខែមិថុនាត្រូវបានកំណត់។

សហភាពអឺរ៉ុបគឺជាដៃគូពាណិជ្ជកម្មដ៏ធំបំផុតមួយរបស់ទីក្រុងវ៉ាស៊ីនតោន ដោយបានផ្ញើទំនិញច្រើនជាង 600ពាន់លាន កាលពីឆ្នាំមុន និងទិញទំនិញមានតម្លៃ 370ពាន់លាន។

ភាគហ៊ុននៅសហរដ្ឋអាមេរិក និងសហភាពអឺរ៉ុបបានធ្លាក់ចុះកាលពីថ្ងៃសុក្រ បន្ទាប់ពីការគំរាមកំហែងចុងក្រោយបំផុត ដោយ S&P 500 របស់អាមេរិកបានធ្លាក់ចុះប្រហែល 0.7% និង Dax របស់អាល្លឺម៉ង់ និង Cac 40 របស់បារាំងបានបិទបញ្ចប់នៅថ្ងៃនោះធ្លាក់ចុះជាង 1.5% ។