ខេត្តសៀមរាប÷ សមត្ថកិច្ចបានឲ្យដឹងថា នៅថ្ងៃទី២៥ ខែឧសភា ឆ្នាំ២០២៥ មានករណីព្រះសង្ឃគង់នៅវត្តចន្ទគីរី ស្ថិតនៅឃុំល្វាក្រាំង ស្រុកវ៉ារិន ខេត្តសៀមរាប ជាង១០អង្គ និងយាយជី២នាក់ បានពុលផ្សិតក្រោយពីដកផ្សិតឬស្សីមកធ្វើចង្ហាន់ថ្ងៃត្រង់។

សមត្ថកិច្ចមូលដ្ឋានបន្តថា ករណីពលផ្សិតនេះ ដោយ សារប៉ុន្មានថ្ងៃមកនេះមានភ្លៀងធ្លាក់ជាប់ៗគ្នា ហើយព្រះសង្ឃគង់នៅវត្តខាងលើបានឃើញផ្សិតឬស្សីដុះល្អ ក៏ដកយកទៅឱ្យយាយៗធ្វើចង្ហាន់ថ្ងៃត្រង់។ បន្ទាប់ពីឆាន់រួចព្រះសង្ឃជាង១០អង្គចាប់ផ្តើមមានអាការៈក្អួតចង្អោ បន្ទាប់មកក៏ត្រូវបានប្រជាពលរដ្ឋចំណុះជើងវត្តដឹកទៅព្យាបាលនៅមណ្ឌលសុខភាព។

គ្រូពេទ្យនៃមណ្ឌលសុខភាពបានជួយសង្គ្រោះ រហូត មកដល់ល្ងាចថ្ងៃដ៏ដែលព្រះសង្ឃទាំងនេះបានធូរស្រាល និងវិលទៅវត្តវិញជិតអស់ហើយ។ តាមការសន្និដ្ឋារបស់អាជ្ញាធរ និងគ្រូពេទ្យ គឺបណ្តាលមកពីពុលផ្សិតឬស្សី៕