សង្គ្រាមពាក្យសម្តីរវាងមហាសេដ្ឋី Elon Musk និងប្រធានាធិបតីអាមេរិក Donald Trump កាន់តែអាក្រក់ទៅៗ។ មហាសេដ្ឋី Elon Musk បាននិយាយជាសាធារណៈថា ប្រធានាធិបតី Donald Trump “គួរតែត្រូវបានចោទប្រកាន់” និង “គួរតែត្រូវបានជំនួសដោយអនុប្រធានាធិបតី JD Vance” ។

នៅក្នុងព្រឹត្តិការណ៍ដ៏គួរឲ្យភ្ញាក់ផ្អើលមួយ លោក Musk និងប្រធានាធិបតី Donald Trump បានងាកមករកគ្នា ហើយឥឡូវនេះកំពុងតែ «ឈ្លោះគ្នា»ដោយបើកចំហ។ សង្រ្គាមពាក្យសម្តីប្រែទៅជាអាក្រក់នៅពេលដែល Musk សម្រេចចិត្ត«ទម្លាក់គ្រាប់បែកមួយ»ដោយអះអាងថាប្រធានាធិបតី Donald Trump ត្រូវបាន “ដាក់ឈ្មោះនៅក្នុងឯកសារ Epstein” ហើយថាព័ត៌មានលម្អិត និងការរកឃើញនៃការស៊ើបអង្កេតមិនត្រូវបានចេញផ្សាយដោយសារតែរឿងនោះ។
ជាងមួយម៉ោងមុននេះ លោកប្រធានាធិបតី Donald Trump បានប្រាប់អ្នកសារព័ត៌មានថា លោកមានការខកចិត្តចំពោះលោក Elon ចំពោះការប្រឆាំងនឹងនយោបាយពន្ធ និងការចំណាយរបស់គាត់។ មហាសេដ្ឋីរូបនេះបានអះអាងថា នយោបាយនេះនឹងបង្កើនបំណុលជាតិ ហើយដូច្នេះផ្ទុយនឹងគោលដៅរបស់នាយកដ្ឋានប្រសិទ្ធភាពរដ្ឋាភិបាល (DOGE) ។
លោកប្រធានាធិបតី Donald Trump បានរិះគន់ជាសាធារណៈចំពោះលោក Musk នៅក្នុងសន្និសីទសារព័ត៌មានមួយនៅសេតវិមាន ខណៈពេលដែលគាំទ្រដល់វិគោលនយោបាយដែលអាចជះឥទ្ធិពលអវិជ្ជមានដល់ក្រុមហ៊ុនផលិតរថយន្តអគ្គិសនីដូចជា Tesla ជាដើម។
ជាការឆ្លើយតប លោក Musk បានរៀបរាប់ថា លោកបានបរិច្ចាគប្រាក់រាប់រយលានដុល្លារ និងផ្តល់ការគាំទ្រផ្នែកសីលធម៌ដល់លោកប្រធានាធិបតី Donald Trump ក្នុងអំឡុងយុទ្ធនាការបោះឆ្នោតរបស់លោកកាលពីឆ្នាំមុន។
លោក Musk បានសង្កត់ធ្ងន់ថា “ប្រសិនបើវាមិនមែនសម្រាប់ខ្ញុំទេ ប្រធានាធិបតី Donald Trump នឹងចាញ់ការបោះឆ្នោត គណបក្សប្រជាធិបតេយ្យនឹងគ្រប់គ្រងសភាតំណាងរាស្រ្ត ហើយគណបក្សសាធារណរដ្ឋនឹងមានសម្លេងភាគច្រើនពី 51-49 នៅក្នុងព្រឹទ្ធសភា… តើវាគួរអោយអាណិតណាស់” ។
“ឯកសារ Epstein” ដែលលោក Musk សំដៅទៅលើមានជាប់ពាក់ព័ន្ធនឹង Jeffrey Epstein ជនល្មើសផ្លូវភេទកុមារ និងជាអ្នកជួញដូរមនុស្ស។ គាត់ប្រឈមមុខនឹងការចោទប្រកាន់ជាច្រើនពីបទរំលោភក្មេងស្រី និងជួញដូរអនីតិជនសម្រាប់ការបំពេញផ្លូវភេទដល់អ្នកនយោបាយកំពូល អ្នកជំនួញ និងតារាល្បី៕

រូបថត​: EPA