ភ្នំពេញ៖ យ៉ាងហោចណាស់ក៏មានយុវជន២នាក់បាន ស្លាប់ភ្លាមៗនៅកន្លែងកើតហេតុ ខណះពួកគេកំពុងជិះម៉ូតូហើយត្រូវរថយន្តMontero បើកវ៉ាជែងរថយន្ត លឿនជ្រុលទៅបុកពីមុខពេញទំហឹង។

ហេតុការណ៍នេះបានកើតឡើងកាលពីវេលាម៉ោង២ និង៤០នាទីរសៀលថ្ងៃទី២៨ ខែសីហា ឆ្នាំ២០១៦ ស្ថិតនៅលើកំណាត់ផ្លូវជាតិលេខ៣ ត្រង់ចំណុចភូមិទួលកី សង្កាត់ភ្លើងឆេះរទេះ ខណ្ឌពោធិ៍សែបជ័យ ។

តាមប្រភពនៅកន្លែងកើតហេតុបានឲ្យដឹងថា មុនកើតហេតុ រថយន្តម៉ាក Montero ពណ៌ស្លែ ពាក់ស្លសកលេខ ភ្នំពេញ 2N-2649 ជិះគ្នា៤នាក់ប្តីប្រពន្ធកូន២នាក់ អ្នកបើកបរជាជនជាតិបរទេស បើកពីត្បូងទៅជើង ល្បឿនលឿន លុះដល់ចំណុចកើតហេតុក៏បាន វ៉ាជែងរថយន្តខាងមុខមួយគ្រឿងទៀតហើយរេចង្កូតទៅបុកម៉ូតូម៉ាកហុងដាសេ១២៥ សេរី២០១៥ពណ៌ខ្មៅ ពាក់ស្លាកលេខ ភ្នំពេញ 1DD-3096 ជិះដោយយុវជន២នាក់ក្នុងទិសដៅច្រាស់ទិសគ្នា បណ្តាលឲ្យបោកខ្ទប់និងរថយន្តស្លាប់ទាំង២នាក់នៅកន្លែង យ៉ាងអាណោធអាធ័ម។ បន្ទាប់ពីបង្ករួចតៃកុងរថយន្តបង្កបានចុះគេចខ្លួនបាត់ដោយបន្សល់ទុករថយន្តនៅកន្លែងកើតហេតុ។

ក្រោយកើតហេតុសាកសពជនរងគ្រោះត្រូវបានសមត្ថកិច្ចនគរបាលដឹកយកទៅតំកល់ទុកនៅវត្តសំបួរមាស ចំណែករថយន្តបង្កនិងម៉ូតូត្រូវបាន យកទៅទុកនៅការិយាល័យចរាចរណ៍ផ្លូវគោកកសាងសំណុំរឿងទៅតាមនីតិវិធី៕

  

ដោយ៖ សុខាសែនជ័យ