ភ្នំពេញ៖ នារសៀលថ្ងៃទី២៩ ខែសីហា ឆ្នាំ២០១៦ នេះ នៅសាលប្រជុំគណកម្មាធិការជាតិរៀបចំការបោះឆ្នោត (គ.ជ.ប.) បានរៀបចំអង្គសិក្ខាសាលាស្ដីពីការផលិតវីដេអូ និងពិធីប្រគល់រង្វាន់ដល់អ្នកដែលបានចូលរួមប្រកួតប្រជែងនូវការផលិតវីដេអូ វគ្គខ្លីៗពីកម្មវិធីចុះឈ្មោះបោះឆ្នោតឃុំ-សង្កាត់ខាងមុខនេះ។
លោក ម៉ុក ដារ៉ា បានឡើងអានសន្តរកថា ដើម្បីបើកកម្មវិធីនៃអង្គសិក្ខាសាលាស្ដីពីការផលិតវីដេអូនិងពិធីប្រគល់រង្វាន់ចំពោះក្រុមដែលទទួលជ័យលាភី។
ក្នុងនោះលោក ជ័យ សម្បត្តិ ដែលជាវាក្មិន បានណែនាំខ្លួនជាវាក្មិន និងប្រធានបទស្ដីពីការផលិតវីដេអូ ហើយក៏មានការសម្របសម្រួលដោយលោក ទូច យឹនមុន្នី ព្រមទាំងធ្វើការណែនាំស្ដីពីការផលិតវីដេអូ តាំងពីការរៀបចំខ្លឹមសារនៃវីដេអូ បច្ចេកទេសថត និងការកែសម្រួលក្លឹមសារ ក៏ដូចជាឲ្យមានការអនុវត្តជាក់ស្ដែងខ្លីៗផង។
នៅក្នុងអង្គសិក្ខាសាលានេះក៏វគ្គសំណួរចម្លើយសម្រាប់សាធារណៈជនផងដែរ៕
ដោយ៖ វណ្ណារ៉ា
