🔥អគ្គិភ័យឆាបឆេះអគាររោងចក្រផលិតអំពូលសូឡានៅផ្លូវជាតិលេខ៣ ខូចខាតអស់ទឹកប្រាក់១០លានដុល្លារ

ចែករំលែក៖

ខេត្តកំពង់ស្ពឺ៖ ឧត្ដមសេនីយ៍ទោ ឃឹម សុកខៃ ស្នងការ នគរបាលខេត្ដកំពង់ស្ពឺ ចុះពិនិត្យដឹកនាំកងកម្លាំងនគរបាលអន្ដរាគមន៍ជួយសង្គ្រោះករណីអគ្គិភ័យឆាបឆេះរោងចក្រផលិតអំពូលកាលពីរាត្រីឈានចូលថ្ងៃសៅរ៍៣កើត ខែអាសាឍ ឆ្នាំម្សាញ់ សប្តស សករាជ ២៥៦៩ ត្រូវនិងថ្ងៃទី២៨ ខែមិថុនា ឆ្នាំ២០២៥ វេលាម៉ោង០៣និង៥៨នាទី ទៀបភ្លឺត្រង់ចំណុចផ្លូវជាតិលេខ៣ ចន្លោះគីឡូម៉ែត្រលេខ ៣៤-៣៥ស្ថិតនៅភូមិល្វា ឃុំអង្គពពេល ស្រុកគងពិសី ខេត្តកំពង់ស្ពឺ។

លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បញ្ជាក់ថា ករណីអគ្គិភ័យឆេះអគាររោងចក្រផលិតអំពូលយីហោវីអុីស៊ិនស្ថិតក្នុងសួនឧស្សាហកម្ម ជាហូរ ចំនួនមួយអគារដែលមានទំហំប្រមាណ ៦.០០០ ម៉ែត្រការ៉េ និងបណ្ដាលឱ្យខូចខាតសម្ភារៈរួមមាន ឧបករណ៍សម្រាប់តម្លើងអំពូលត្រូវបានឆេះអស់ទាំងស្រុង,អំពូលតម្លើងរួចគិតជាប្រាក់សរុបប្រមាណចំនួន 10,000,000$ ( ដប់លានដុល្លាអាមេរិក )។

មូលហេតុនៃគ្រោះអគ្គីភ័យនេះបណ្ដ្ដាលមកពីករណីឆ្លង
អគ្គីសនី ប៉ុន្តែមិនបណ្តាលឱ្យមានរបួសមនុស្សនោះទេ៕

...