ភ្នំពេញ៖ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅរសៀលថ្ងៃសៅរ៍ទី០៥ ខែកក្កដា ឆ្នាំ២០២៥នេះ បានថ្លែងតាមរយៈបណ្ដាញសង្គមហ្វេសប៊ុកផ្លូវការលោកថា៖ នៅថ្ងៃទី០៣ ខែកក្កដា ឆ្នាំ២០២៥ មានជនបរទេសមួយក្រុមតូចបង្ហោះ រឿងមន្ត្រីចរាចរណ៌អនុវត្តន៌ច្បាប់មិនត្រឹមត្រូវលើជនបរទេស! ភ្លាមនោះ លោក បានបញ្ជាភ្លាមៗកោះហៅមន្ត្រី ទាំងនោះមកស្នងការ មកសួរនាំនិងចាត់មន្ត្រីជំនាញចុះប្រមូលពត៌មាននៅកន្លែងដែលមានបញ្ហា។
លោកឧត្តមសេនីយ៍ឯក ជួន ណារិន្ទ បានថ្លែងបន្តថា គឺជនបរទេសប្រើមធ្យោបាយ ល្មើសស្លាកសញ្ញានៅថ្ងៃទី២០ ខែមិថុនា ឆ្នាំ២០២៥មកម៉្លេះ តែទើបបង្ហោះពត៏មាន ថ្ងៃទី០៣ ខែកក្កដា ឆ្នាំ២០២៥ ។ លោក មិនលើកទឹកចិត្តឲមន្ត្រីដែលអនុវត្តន៌ច្បាប់ដោយខ្វះវិន័យ និងក្រមសីលធម៏វិជ្ជាជីវៈជាដាច់ខាត។
លោកស្នងការ បានឱ្យដឹងថា៖ ហើយក៏មិនគាំទ្រចំពោះអ្នកល្មើសច្បាប់ផងដែរ !
-លោក កំពុងពិនិត្យប័ណ្ណបើកបរ ដែលជនបរទេសបង្ហាញក្នុងឃ្លីប(ជាពិសេសប្រើប័ណ្ណក្រោមអនុសញ្ញាចរាចរណ៌ផ្លូវគោក ឆ្នាំ១៩៦៨ដែលកម្ពុជាមិនមែនម្ចាស់ហត្ថេខី)។
-តើហេតុអ្វីដូចមានការរៀបចំថតទុកជាមុន?
-កើតហេតុនៅថ្ងៃទី ២០ ០៦ ២៥ មកម្លេះទើបយកមកបង្ហោះថ្ងៃទី០៣ ០៧ ២៥ ?
-តែចំពោះមន្ត្រីអនុវត្តន៌ច្បាប់មានកំហុសខ្ញុំបាទកំពុងស្រាជ្រាវឲបានច្បាស់លាស់ ដើម្បីអនុវត្តន៌វិន័យឲសមនិងកំហុស។
លោកឧត្តមសេនីយ៍ឯក ជួន ណារិន្ទ បានបន្តថា លោកបានបញ្ជាឲលោកស្នងការរង និង នាយការិយាល័យ និងប្រធានក្រុមគោលដៅ(ស្គាល់និងយល់ប័ណ្ណបើកបរលក្ខណៈអន្តរជាតិនិងហត្ថលេខីវាងប្រទេសពាក់ព័ន្ខ អនុវត្តន៌ និងរឹតបន្តឹងច្បាប់ ទាំងមន្ត្រីអនុវត្តន៌ និង អ្នកប្រើប្រាស់ផ្លូវ ត្រូវគោរពច្បាប់ជាដាច់ខាត។
បន្ថែមពីនេះ លោកស្នងការ សូមអរគុណ និង សំនូមពរ ដល់មហាជនដែលមានការគាំទ្រនិងរិះគន់ដើម្បីស្ថាបនា ប្រកបដោយដោយគុណធម៏និងយុត្តិធម៏ណាបាទ🙏🇰🇭៕
ដោយ៖តារា
