ខេត្តសៀមរាប ៖ រដ្ឋបាលខេត្តសៀមរាប សូមជូនដំណឹងដល់សម្តេច ព្រះតេជគុណ ព្រះថេរានុត្ថេរៈគ្រប់ព្រះអង្គ ឯកឧត្តម លោកជំទាវ អ្នកឧកញ៉ា ឧកញ៉ា លោកស្រី អស់លោក និងបងប្អូនប្រជាពលរដ្ឋទូទាំងខេត្តសៀមរាប មេត្តានិមន្ត និងចូលរួមធ្វើការវាយគង ជួង រគាំង ទូងស្គរ ទះប៉ោត និងគោះត្រដោក តាមគ្រប់មធ្យោបាយដែលខ្លួនមាន នាថ្ងៃទី១៣ ខែកក្កដា ឆ្នាំ២០២៥ វេលាម៉ោង០៧៖០០នាទី នៅគ្រប់កន្លែងសាធារណៈ រួមមានទាំងស្ថាប័នរដ្ឋ និងឯកជន សាលាក្រុង-ស្រុក សាលាឃុំ-សង្កាត់ មន្ទីរ-អង្គភាព គ្រប់ទីវត្តអារាម មណ្ឌលវិបស្សនា អាស្រម សាលាបុណ្យ វិហារសាសនា ស្នាក់ការស៊ូរ៉ាវ សាលារៀនរដ្ឋ និង ឯកជន ទីប្រជុំជន សហគមន៍ឱ្យបានកុះករ ក្លៀវក្លា និងអធិកអធមជាទីមោទនៈ។
ក្រសួងវប្បធម៌ និងវិចិត្រសិល្បៈ បានអបអរសាទរ ការចុះបញ្ជីបូជនីយដ្ឋាន ចង ចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និង សន្តិភាព ទៅក្នុងបញ្ជីបេតិកភណ្ឌពិភពលោក នៅទីក្រុងប៉ារីស សាធារណរដ្ឋបារាំង
វេលាម៉ោង ៥:៣៥នាទីរសៀល និងវេលាម៉ោង ១០:៣៥នាទីយប់ នៅព្រះរាជាណាចក្រកម្ពុជា
ការចុះបញ្ជីបូជនីយដ្ឋាន ចង ចាំនៃកម្ពុជា មានគោលបំណងការពារបូជនីយដ្ឋានចងចាំនៃកម្ពុជា និងគាំទ្រដល់ដំណើរការរៀបចំដាក់ទីតាំងចំនួនបី ទៅក្នុងបញ្ជីបេតិកភណ្ឌពិភពលោករបស់អង្គការយូណេស្កូ រួមមាន អតីតមន្ទីរឃុំឃាំង១៣ (ខេត្តកំពង់ស្ពឺ) សារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងមជ្ឈមណ្ឌលឧក្រិដ្ឋកម្មប្រល័យពូជសាសន៍ជើងឯក (ស្ថិតនៅរាជធានីភ្នំពេញ) ៕
ដោយ ៖ សិលា
