ខេត្តបាត់ដំបង÷ ម៉ូតូកង់បីឥណ្ឌា១គ្រឿងរងការខូចខាតយ៉ាងដំណំក្រោយត្រូវរថយន្តដឹកទឹកកកស្ពានដែកបុកខ្ទប់ទៅនិងរថយន្តដឹកទឹកកកខាងមុខមួយគ្រឿងផ្សេងទៀតដែលកំពុងឈប់ភ្លើងស្តុបកាលពីវេលាម៉ោង ១៧និង២០នាទី ថ្ងៃទី១២ ខែកក្កដា ឆ្នាំ២០២៥ នៅតាមបណ្ដោយផ្លូវជាតិលេខ៥ ស្ថិតក្នុងភូមិព្រែកមហាទេព សង្កាត់ស្វាយប៉ោង ក្រុងបាត់ដំបង ។

ប្រភពនៅកន្លែងកើតហេតុបានឲ្យដឹងថា នៅមុនពេលកើតហេតុ មានរថយន្តជា ច្រើនគ្រឿងកំពុងឈប់ចតបន្តកន្ទុយគ្នាដើម្បីរងចាំភ្លើងស្តុប ហើយក្នុងនោះក៏មានម៉ូតូកង់បីឥណ្ឌាពណ៌ស០១គ្រឿងពាក់ផ្លាកលេខ បាត់ដំបង1AH-2563 បើកបរដោយបុរសម្នាក់បានឈប់ចតពីក្រោយរថយន្តដឹកទឹកកកផងដែរ ហើយបន្តិចក្រោយមកក៏មានរថយន្តដឹកទឹកកកស្ពានដែកពណ៌ស១គ្រឿងផ្សេងទៀតគ្មានផ្លាកលេខ បើកបរដោយបុរសម្នាក់បានមកបុកពីក្រោយពេញទំហឹងខ្ទប់ទៅនិងរថយន្តដឹកទឹកកកខាងមុខបណ្ដាលឱ្យរងការខូចខាតយ៉ាងដំណំ តែសំណាងល្អមិនមានគ្រោះថ្នាក់ធ្ងន់ធ្ងរដល់មនុស្ស។

ក្រោយពេលកើតហេតុ សមត្ថកិច្ចជំនាញបានចុះទៅពិនិត្យវាស់វែងធ្វើកំណត់ហេតុទាំងពីរទៅរក្សាទុកដើម្បីអោយម្ចាស់ចូល ខ្លួនដោះស្រាយតាមផ្លូវច្បាប់៕