ប្រទេសថៃ ៖ ជារឿមួយដែលពិភពលោក មិនអាចធ្វើបានដូចថៃ ត្រង់ថា ៖ «នាយករដ្ឋមន្ត្រី៣នាក់ក្នុងពេល៣ថ្ងៃ» ។ កាលពី ដើមខែកក្កដា ឆ្នាំ២០២៥ ក្នុងរយៈពេល ត្រឹមតែ៣ ថ្ងៃប៉ុណ្ណោះ ប្រទេសថៃមានការ ផ្លាស់ប្ដូរនាយករដ្ឋមន្ត្រីចំនួន ៣នាក់ ដែល ការផ្លាស់ប្ដូរ អំណាចដ៏ចម្លែកនិងបែប ទាន់ហន់នេះ មិនត្រឹមតែបង្ហាញពីភាពមិន ប្រក្រតីខាងនយោបាយប៉ុណ្ណោះទេ តែវា ជា សញ្ញាច្បាស់លាស់មួយប្រាប់ពិភពលោក ថា ស្ថាប័នប្រជាធិបតេយ្យរបស់ប្រទេសនេះកំពុងដួលរលំ។ ជាពិសេសប្រទេសមួយនេះ គ្មានក្បាលម៉ាសុឺនច្បាស់លាស់សម្រាប់ដំណោះស្រាយនយោបាយផ្ទៃក្នុងប្រទេសខ្លួនឯង ជាមួយប្រទេសជិតខាង ឬពិភពលោក ពោរពេញទៅដោយភាពច្របូកច្របល់។

ដូចពិភពលោកមើលឃើញស្រាប់ហើយ ! នៅពេលដែល លោកស្រី នាយករដ្ឋមន្រ្តី ផែផងថាន ស៊ីណាវ៉ាត្រ ត្រូវបានព្យួរ តំណែង ដោយតុលាការធម្មនុញ្ញ កាលពីថ្ងៃ ទី១ ខែកក្កដា ជុំវិញការបែកធ្លាយសារ សំឡេងជាមួយសម្ដេចតេជោ ហ៊ុន សែន ប្រធានព្រឹទ្ធសភាកម្ពុជា ប្រទេសថៃបានកើត មានភាពច្របូកច្របល់ និងចលាចល។ ក្នុងរយៈពេលប៉ុន្មានម៉ោងលោក Suriya Juangroongruangkit ត្រូវបានប្រញាប់ប្រញាល់ចូលកាន់តំណែងជានាយករដ្ឋមន្ត្រីស្តីទី តែត្រូវដកចេញពីតំណែងត្រឹមតែមួយថ្ងៃក្រោយមក ហើយជំនួសដោយលោក Phumtham Wechayachai បន្ទាប់ពីមានការរុះរើគណៈរដ្ឋមន្ត្រីផ្ទៃក្នុង។ សម្រាប់ប្រជាពលរដ្ឋសាមញ្ញ នេះមិនមែនជាអ្នកដឹកនាំទេ វាប្រៀបប្រដូចជាការរាំដណ្ដើមកៅអី នយោបាយអ៊ីចឹង។

នៅក្នុងលទ្ធិប្រជាធិបតេយ្យពិតប្រាកដ ការផ្លាស់ប្តូរអំណាចគួរតែផ្អែកលើឆន្ទៈរបស់ប្រជាជន។ ប៉ុន្តែនៅក្នុងប្រទេសថៃ ភាពស្របច្បាប់ខាងនយោបាយជារឿយៗត្រូវបានសម្រេចដោយចៅក្រម ឬ មេទ័ព មិនមែនដោយសន្លឹកឆ្នោតនោះទេ ៕

ដោយ ៖ សិលា