ខេត្តត្បូងឃ្មំុ៖ ជនសង្ស័យម្នាក់រួមនិងវត្ថុតាងសង្ស័យជាថ្នាំញៀន១៣កញ្ចប់ ត្រូវបានកំលាំងនគរបាលជំនាញស្រុកមេមត់ធ្វើការចាប់ឃាត់ខ្លួន ។

ករណីចាប់ឃាត់ខ្លួនជនសង្ស័យខាងលើធ្វើឡើងកាលពីថ្ងៃទី១ ខែកញ្ញា ឆ្នាំ២០១៦ នៅខាងលិចភូមិក្ងោក ឃុំគគីរ ស្រុកមេមត់ ។

លោក ហុង គឹមហឿន អធិការនគរបាលស្រុកមេមត់បានឲ្យដឹងថា ជនសង្ស័យ ឈ្មោះ ជា បៀ ភេទប្រុស អាយុ ១៩ឆ្នាំ នៅភូមិសាឡង់៣ ឃុំគគីរ ស្រុកមេមត់ ។ ត្រូវបានកម្លាំងជំនាញប្រឆាំងគ្រឿងញៀន ធ្វើការស្រាវជ្រាវបង្ក្រាប ដោយធ្វើការដកហូតម៉្សៅក្រាមពណ៌សសង្ស័យជាថ្នាំញៀន ចំនួន១៣កញ្ចប់ (ធំ ០១កញ្ចប់ និងតូច ១២កញ្ចប់)។

លោកបន្តថាបច្ចុប្បន្ន ជនសង្ស័យរួមនិងវត្ថុតាកំពុងត្រូវបាននាំមកកន្លែងអធិការស្រុកធ្វើរការសាកសួរនិងចងក្រងសំណំុតាមនីតិវិធី៕

ដោយ៖ វណ្ណះ