ខេត្តកណ្ដាល÷ អនុវត្តតាមបទបញ្ជាលោកវរសេនីយ៍ឯក រស់ ចន្ថា អធិការនគរបាលស្រុកស្អាង កម្លាំងនគរបាលផ្នែកព្រហ្មទណ្ឌស្រុកស្អាង សហការជាមួយកម្លាំងប៉ុស្តិ៍នគរបាលរដ្ឋបាលទឹកវិល ឃាត់ខ្លួនជនសង្ស័យ ០១នាក់ករណីហិង្សាដោយចេតនា និងប្រើប្រាស់ដោយខុស ច្បាប់នៅសារធាតុញៀន។

មន្ត្រីនគរបាលស្រុកស្អាងបានឲ្យដឹងថា នៅថ្ងៃទី២០ ខែ សីហា ឆ្នាំ២០២៥ វេលាម៉ោង១១ និង៣០នាទីព្រឹក នៅចំណុចក្នុងរោងចក្រអេមីនិនស្ថិតនៅក្នុងភូមិព្រែកថ្មី ឃុំទឹកវិល ស្រុកស្អាង ខេត្តកណ្ដាលមានករណីហិង្សាមួយកើតឡើងដោយជនរងគ្រោះ២នាក់១-ឈ្មោះ រិទ្ធិ សារិន ភេទស្រី អាយុ ៣៩ឆ្នាំ ជនជាតិ ខ្មែរមុខរបរ កម្មការិនីទីលំនៅភូមិ កោះថ្មី ឃុំខ្ពប ស្រុកស្អាងត្រូវជាប្រពន្ធនិង
២-ឈ្មោះ រិទ្ធិ សារុំ ភេទស្រី អាយុ ៣៨ឆ្នាំ ជនជាតិខ្មែរ មុខរបរ កម្មការិនីរោងចក្រ មានទីលំនៅភូមិព្រែកម្រេញ ឃុំពោធិ៍បាន ស្រុកកោះធំ ខេត្តកណ្តាលត្រូវជាប្អូនថ្លៃ។

ជនសង្ស័យដែលត្រូវបានសមត្ថកិច្ចឃាត់ខ្លួន ឈ្មោះ បែ កក្កដា ភេទប្រុស អាយុ ៣៨ឆ្នាំជនជាតិខ្មែរ មុខរបរមិនពិតប្រាកដ មានទីលំនៅភូមិក្បាលជ្រោយ ឃុំព្រែកគយ ស្រុកស្អាង ខេត្តកណ្តាលត្រូវជាប្ដី មានសារធាតុញៀនវិជ្ជមាន(+)។

វត្ថុតាងចាប់យកគឺពូថៅចំនួន ០១ ដេីមផ្លែដែកដងធ្វេីអំពេីឈេីមានប្រវែង ២៥ ស.ម។

ប្រភពព័ត៌មានបានឲ្យដឹងថា ជនសង្ស័យជាមនុស្សប្រើ ប្រាស់គ្រឿងញៀនជាប្រចាំនិងតែងតែរករឿងនិងប្រើហិង្សាទៅលើជនរងគ្រោះជាញឹកញាប់។

នៅថ្ងៃទី២០ ខែសីហា ឆ្នាំ២០២៥វេលា ម៉ោង១១ និង ៣០ នាទី ជនរងគ្រោះឈ្មោះ រិទ្ធិ សារិន បានសម្រាកពីការងារនិងចេញមកហូបបាយនៅក្រៅអគាររោងចក្រស្រាប់តែពេលនោះជនសង្ស័យឈ្មោះ បែ កក្កដា បានទូរស័ព្ទហៅឲ្យជនរងគ្រោះឈ្មោះ រិទ្ធិ សារិន ចេញមកខាងក្រៅរោងចក្រ។ ពេលនោះជនរងគ្រោះឈ្មោះ រិទ្ធិ សារិន ក៏បានដើរចេញមកដោយបាននាំប្អូនស្រីឈ្មោះ រិទ្ធិ សារុំ មកជាមួយ។ ពេលនោះក៏មានសន្តិសុខយាមរោងចក្របានប្រាប់ជនរងគ្រោះឈ្មោះ រិទ្ធិ សារិន ថាជនសង្ស័យ ឈ្មោះ បែ កក្កដា មានពូថៅនៅជាប់និងខ្លួនហេីយជនរងគ្រោះឈ្មោះ រិទ្ធិ សារិន ក៏បានដេីរមកវិញ។

ស្រាប់តែពេលនោះជនសង្ស័យឈ្មោះ បែ កក្កដា បានយកពូថៅចេញពីក្នុងអាវស្ទុះមកដេញកាប់ជនរងគ្រោះឈ្មោះ រិទ្ធិ សារិន តែមិនត្រូវ,ហេីយបានស្ទុះទៅដេញកាប់ជនរងគ្រោះឈ្មោះ រិទ្ធ សារុំ ទៀត,តែត្រូវបានគេចផុតហេីយជនសង្ស័យ ក៏បានស្ទុះទៅវាយជនរងឈ្មោះ រិទ្ធិ សារិន និង ឈ្មោះ រិទ្ធិ សារ ចំមុខម្នាក់មួយដៃ។

ពេលទទួលបានព័ត៌មានខាងលើនេះភ្លាមកម្លាំងប៉ុស្តិ៍នគរបាលរដ្ឋបាលទឹកវិល បានអន្តរាគមន៍ដល់កន្លែងកើតហេតុ បានឃាត់ខ្លួនជនសង្ស័យឈ្មោះ បែ កក្កដា រួមទាំងវត្ថុតាងយកមកប៉ុស្តិ៍ដើម្បីធ្វើការសាកសួរ។

បច្ចុប្បន្នជនសង្ស័យត្រូវបានឃាត់នៅអធិការដ្ឋាននគរបាលស្រុកស្អាងដើម្បីកសាងសំណុំរឿងចាត់ការតាមនីតិវិធី៕