ភ្នំពេញ៖ រថយន្ត toyota alphat មួយគ្រឿងបានបេីកជ្រុលទៅបុកនិងរទេះលក់គ្រឿងបុក បណ្តាលឲ្យប្តីប្រពន្ធ២នាក់រងរបួសធ្ងន់ ។
ហេតុការណ៍នេះបានកើតឡើងនៅវេលាម៉ោង ១និង៥០នាទីយប់ ថ្ងៃទី២១ខែសីហាឆ្នាំ២០២៥ ជិតផ្សារស្ទឹងមានជ័យចាស់ ផ្លូវ២១៧ សង្កាត់ស្ទឹងមានជ័យទី២ ខណ្ឌមានជ័យ ។
តាមប្រភពព័ត៌មានពីកន្លែងកើតហេតុ បានឲ្យដឹងថាមុនពេលកេីតហេតុ គេបានឃើញប្តីប្រពន្ធ២នាក់ បានជិះម៉ូតូសណ្តោងរម៉ក ដឹកគ្រឿងបុក គោលបំណងយកទៅលក់នៅផ្សារដើមគ ដោយធ្វើដំណើរតាមបណ្ដោយផ្លូវ២១៧ទិសដៅពីលិចទៅកេីតលុះមកដល់ចំនុចកេីតហេតុ ក៏ស្រាប់តែរថយន្តម៉ាក toyota alphat ពណ៌សពាក់ស្លាកលេខ ភ្នំពេញ2BV 5495 បេីកធ្វើដំណើរតាមបណ្ដោយផ្លូវ ២១៧ទិសដៅស្របគ្នាជ្រុលទៅបុកនិងរឺម៉កម៉ូតូពីក្រោយ បណ្តាលអោយយ៉ាងពេញ បណ្តាលអោយរឺម៉កខ្ទាតទៅចិញ្ចឹមផ្លូវក្រឡាប់ផ្ញើរជើង ព្រមទាំងធ្វើឲ្យបុរសជាប្តីសន្លប់បាត់ស្មារតី ចំនែកស្ត្រីជាប្រពន្ធរបស់បាក់ខ្មងជើងខាងឆ្វេង អ្នកទាំង២ត្រូវបានបញ្ជូនតាមរថយន្តសាមុយយកទៅសង្គ្រោះនៅមន្ទីរពេទ្យរុស្ស៊ី ។
ដោយឡែករថយន្តពេលបង្ករគ្រោះថ្នាក់ហើយមិនបានឈប់ទទួលខុសត្រូវនោះទេគឺព្យាយាមបេីករត់គេចបាត់ តែបានបន្សល់ទុកស្លាកលេខនៅកន្លែងកើតហេតុ ។
ករណីនេះផងដែរក្រោយកេីតហេតុសមត្ថកិច្ចសម្រេចវាស់វែងយកមធ្យោបាយទៅរក្សាទុករងចាំម្ចាស់រថយន្តចូលខ្លួនធ្វើការសម្របសម្រួល ៕
ដោយ៖សុខាសែនជ័យ
