ខេត្តកណ្តាល÷ អនុវត្តតាមបទបញ្ជាលោកវរសេនីយ៍ឯក រស់ ចន្ថា អធិការនគរបាលស្រុកស្អាង កម្លាំងនគរបាលផ្នែកព្រហ្មទណ្ឌស្រុកស្អាង បានសហការជាមួយកម្លាំងសមត្ថកិច្ចអធិការដ្ឋាននគរបាលខណ្ឌដង្កោ ឃាត់ខ្លួនជនសង្ស័យ៥នាក់ ពាក់ពន្ធលួចមានស្ថានទម្ងន់ទោស (កាច់កម៉ូតូ)កាលពីថ្ងៃទី១០ខែកក្កដាឆ្នាំ ២០២៥ វេលាម៉ោង៦÷៣០នាទីនៅចំណុចផ្ទះសំណាក់ហ្គោអនភូមិព្រែកតាឡៃឃុំព្រែកអំបិលស្រុកស្អាង ខេត្តកណ្តាល ។

មន្ត្រីនគរបាលឱ្យដឹងថា ជនរងគ្រោះឈ្មោះ វណ្ណី ផានីន ភេទប្រុស អាយុ ១៦ ឆ្នាំ ជនជាតិខ្មែរ មុខរបរ នៅផ្ទះ មានទីលំនៅភូមិព្រែកតាប៉ុក សង្កាត់ព្រែកស្តី ក្រុងសំពៅពូន ខេត្តកណ្តាលបានបាត់ម៉ូតូ១គ្រឿងហើយមិនហ៊ានត្រឡប់ចូលផ្ទះវិញទេ។

ជនសង្ស័យ៥នាក់ត្រូវបានឃាត់ខ្លួន១-ឈ្មោះ សឿន ហាក់លី ប្រុសអាយុ ១៧ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិលេីដែក ឃុំបាក់ស្ន ស្រុកកោះធំ ខេត្តកណ្ដាលជាអ្នកធ្វេីសកម្មភាពកាច់កម៉ូតូម៉ានិច,គ្មានសាររធាតុញៀនក្នុងទឹកនោមអវិជ្ជមាន (-),២ -ឈ្មោះ រេីនសុភាក្រ្តា ភេទប្រុស អាយុ ១៨ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិខ្ទីង ឃុំពាក់ស្នែង ស្រុកអង្គរធំ ខេត្តសៀមរាបត្រូវបានឃាត់ខ្លួន -គ្មានសារធាតុញៀនអវិជ្ជមាន(-),៣-ឈ្មោះ ចេក ចាន់រី ភេទប្រុស អាយុ ១៨ឆ្នាំ ជនជាតិខ្មែរ មុខរបរមិនពិត ប្រាកដ មានទីលំនៅភូមិទួលសង្កែ ឃុំកំពង់កុង ស្រុកកោះធំ ខេត្តកណ្ដាលត្រូវបានឃាត់ខ្លួន-គ្មានសារធាតុញៀនអវិជ្ជមាន(-),៤-ឈ្មោះ រិន សោភ័ណ្ឌ ភេទប្រុស អាយុ ១៦ ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិព្រែកថ្មី ឃុំព្រែកថ្មី ស្រុកកោះធំត្រូវបានឃាត់ ខ្លួន,គ្មានសារធាតុញៀនអវិជ្ជមាន(-)និង៥-ឈ្មោះ សុី ចាន់ដារ៉ា ភេទប្រុស អាយុ ១៩ឆ្នាំ ជនជាតិខ្មែរមុខរបរ កម្មករ មានទីលំនៅភូមិព្រែកសុឹង សង្កាត់ជ្រៃធំ ក្រុងសំពៅពូន ខេត្តកណ្ដាលត្រូវបានឃាត់ខ្លួន-គ្មានសារធាតុញៀនអវិជ្ជមាន(-)។

វត្ថុតាងចាប់យករួមមាន, ១-ម៉ូតូ១គ្រឿងម៉ាក់ស៊ុយសាគីនិចពណ៌សលាយក្រហមផ្លាកលេខតាកែវ1A.0156, ២-ម៉ូតូចំនួន០១គ្រឿងម៉ាក់ស៊ុយសាគីនិចពណ៌សផ្លាកលេខភ្នំពេញ1H.3079 និង៣-ម៉ូតូចំនួន០១គ្រឿងម៉ាកហុងដាឌ្រីមពណ៌ខ្មៅផ្លាកលេខ1B9746។

សម្ភារៈបាត់បង់រួមមាន:១-ម៉ូតូចំនួន០១គ្រឿងម៉ាក់ស៊ុយសាគីនិចផ្លាកលេខតាកែវ1A.0156(ជារបស់ជនរង គ្រោះរកឃើញវិញ)

កាលពីថ្ងៃទី១០ ខែកក្កដា ឆ្នាំ២០២៥ វេលាម៉ោង១ និង ៣០នាទី ជនរងគ្រោះឈ្មោះ វណ្ណី ផានីន បានជិះម៉ូតូខាងលេីមកដេកនៅក្នុងផ្ទះសំណាក់ហ្គោអនស្ថិតនៅភូមិព្រែកតាឡៃ ឃុំ ព្រែកអំបិល ស្រុកស្អាង ខេត្តកណ្តាល ហេីយនៅវេលាម៉ោង០៦ និង៣០នាទី ខែ ឆ្នាំដដែលជនរងគ្រោះបានចេញពីផ្ទះសំណាក់វិញ ស្រាប់តែបាត់ម៉ូតូ ក៏បានដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលព្រែកអំបិល ឲ្យជួយអន្តរាគមន៍កំណត់មុខសញ្ញា។

លុះនៅថ្ងៃទី១៨ ខែសីហា ឆ្នាំ២០២៥ វេលាម៉ោង ២ រសៀលជនសង្ស័យឈ្មោះសឿន ហាក់លី,រេីន សុភាក្រ្តា, ចេក ចាន់រី,វិន សោភ័ណ្ឌ និងស៊ី ចាន់ដារ៉ា បានជិះម៉ូតូ ៣គ្រឿង តាមផ្លូវជាតិលេខ០២ ដើម្បីធ្វើសកម្មភាពធាក់ប្លន់យកម៉ូតូអ្នកដំណើរតាមផ្លូវតែមិនបានសម្រេចក៏ត្រូវបានសមត្ថកិច្ចអធិការដ្ឋាននគរបាលខណ្ឌដង្កោ ឃាត់ ខ្លួនយកមកសាកសួរ រួចសមត្ថកិច្ចនគរបាលនៃអធិការ ដ្ឋាននគរបាលខណ្ឌដង្កោបានប្រគល់ជនសង្ស័យទាំង ០៥នាក់ខាងលើមកឱ្យសមត្ថកិច្ចនគរបាលនៃអធិការ ដ្ឋាននគរបាលស្រុកស្អាង ចាត់ការតាមនីតិវិធី។

យោងតាមចម្លើយសារភាពរបស់ជនសង្ស័យឈ្មោះ សឿន ហាក់លី,រេីនសុភាក្រ្តា,ចេក ចាន់រី,វិន សោភ័ណ្ឌ និងសុី ចាន់ដារ៉ា នៅថ្ងៃទី១៨ ខែសីហា ឆ្នាំ២០២៥ វេលាម៉ោង ០២ និង ៣០នាទីពួកខ្លួនពិតជាបានជិះម៉ូតូចំនួន ០៣ គ្រឿងតាមផ្លូវជាតិលេខ ០២ ធ្វើសកម្មភាពធាក់ប្លន់យកម៉ូតូអ្នកដំណើរតាមផ្លូវពិតប្រាកដមែនតែមិនបានសម្រេច។

តាមចម្លើយសារភាពរបស់ជនសង្ស័យ សឿន ហាក់លី បានសារភាពថានៅថ្ងៃទី១០ ខែកក្កដា ឆ្នាំ២០២៥ វេលាម៉ោង ០៦ និង ៣០នាទីខ្លួនពិតជាបានធ្វើសកម្មភាពលួចកាច់ក(ម៉ូតូ)ស៊ុយសាគីនិចរបស់ជនរងគ្រោះឈ្មោះ វណ្ណី ផានីន នៅក្នុងផ្ទះសំណាក់ហ្គោអនពិតប្រាកដមែន។

តាមចម្លើយសារភាពរបស់ជនសង្ស័យ ចេក ចាន់រី បានសារភាពថានៅថ្ងៃទីមិនចាំ,ខែកក្កដា ឆ្នាំ២០២៥ វេលាម៉ោង ១១យប់ ខ្លួននិងបក្សពួក៤នាក់ ពិតជាបានធ្វើ សកម្មភាពធាក់ប្លន់យកម៉ូតូម៉ាក់ហុងដាឌ្រីមសេរីឆ្នាំ 2015 ឡើងតែមសេរីឆ្នាំ 2016 ពិតប្រាកដមែនហើយបានយកទៅលក់នៅឃ្លាំងរំសេវរាជធានីភ្នំពេញបានប្រាក់ចំនួន 250$ យកទៅសុីចាយអស់ ។

បច្ចុប្បន្នជនសង្ស័យបានឃាត់ខ្លួននៅអធិការដ្ឋាននគរបាលស្រុកស្អាងដើម្បីកសាងសំណុំរឿងចាត់ការតាមនីតិវិធី៕