ភ្នំពេញ៖ មុខសញ្ញាឆក់យ៉ាងសកម្មនៅក្នុងរាជធានីភ្នំពេញ កម្លាំងនគរបាលព្រហ្មទណ្ឌ ខណ្ឌ៧មករា កំពុងក៏ល្បាតតាមមូលដ្នានក៏ប្រទះឃើញបានតាមដានពីក្រោយស្រាប់តែជនសង្ស័យទាំង៣នាក់ជិះម៉ូតូ២គ្រឿងម៉ាកសង់ សេ១២៥ ក៏បានធ្វើសកម្មភាពឆក់ការបូបពីស្រ្តីម្នាក់ដែលកំពុងជិះម៉ូតូកង់បី និងមិត្តភ័ក្តមានគ្នា២នាក់កំពុងដើរតាមបណ្ដោយផ្លូវលេខ២១៧ ភ្លាមៗនោះក៏ត្រូវបានកម្លាំងនគរបាលព្រហ្មទណ្ឌខណ្ឌ៧មករា ដេញចាប់ឃាត់ខ្លួន២នាក់ចំណែកម្នាក់ទៀតជិះម៉ូតូគេចខ្លួនបាច់សម្រោលតែមង្ត។

ហេតុការណ៍នេះបានកើតឡើងកាលពីវេលាម៉ោង៨និង៥០នាទីយប់ថ្ងៃទី០២ ខែកញ្ញា ឆ្នាំ២០១៦ នៅចំណុចផ្លូវ២១៧ ស្ថិតនៅក្នុងសង្កាត់វាលវង់ខណ្ឌ៧មករា រាជធានីភ្នំពេញ។

ជនសង្ស័យទាំង២នាក់មានទី១-ឈ្មោះ មាស ស៊ុនវីពុត ភេទប្រុស អាយុ១៧ឆ្នាំ ស្នាក់ម្ដុំផ្សារច្បាអំពៅ និងទី២-ឈ្មោះ ជា សីហា អាយុ១៨ ឆ្នាំ ស្នាក់នៅម្ដុំផ្សារដេប៉ូ ។

បើតាមប្រភពព័ត៌មានពីមន្រ្តីនគរបាលព្រហ្មទណ្ឌខណ្ឌ៧មករា បានប្រាប់ឲ្យដឹងថា កម្លាំងនគរបាលព្រហ្មទណ្ឌ ខណ្ឌ៧មករា កំពុងក៏ល្បាតតាមមូលដ្នានក៏ប្រទះឃើញក៏បានតាមដានពីក្រោយស្រាប់តែ ជនសង្ស័យទាំង៣នាក់ជិះម៉ូតូ២គ្រឿងម៉ាកសង់ សេ១២៥ សេរីឆ្នាំ២០១៦ ពណ៌ខ្មៅ ពាក់ស្លាកលេខ ភ្នំពេញ 1DD-6510 និង១គ្រឿងទៀតមិនចាំស្លាកលេខនោះទេ ខណៈមកដល់ចំណុចផ្លូវលេខ២១៧ ជនសង្ស័យបានធ្វើសកម្មភាពឆក់កាបូបពីស្រ្តីដែលកំពុងជិះមតូកង់បីនិងមានគ្នា២នាក់ទៀត ភ្លាមៗនោះកម្លាំងនគរបាលព្រហ្មទណ្ឌ ខណ្ឌ៧មករា បាននាំគ្នាដេញតាមពីក្រោយប្រផាប់ប្រភីង ហើយជនសង្ស័យទាំង៣បានព្យាយាមជិះគេចខ្លួន រហូតមកដល់ចំណុចមុខស្តាអូឡាំពិតក៏ត្រូវបានកម្លាំងនគរបាលព្រហ្មទណ្ឌដេញចាប់បានជនសង្ស័យទាំង២នាក់ចំណែកម្នាក់ទៀតជិះម៉ូតូគេចខ្លួនបាច់សម្រោលតែមង្ត។

បន្ទាប់ពីសមត្ថកិច្ចឃាត់ខ្លួនជនសង្ស័យទាំង២នាក់យកមកអធិការដ្ឋាននគរបាលខណ្ឌ៧មករា ធ្វើការសាកសួររកបក្ខពួកដែលបានរត់គេចខ្លួនលើនោះជនសង្ស័យទាំង២នាក់ក៏បានសារភាពថា កន្លងមកបក្ខពួកបានធ្វើសកម្មភាពឆក់កាបូបស្រ្តីម្នាក់នៅម្ដុំផ្សារកណ្ដោល បានសម្រេចម្ដងហើយនេះជាលើកទី២ហើយក៏ត្រូវបានកម្លាំងនគរបាលព្រហ្មទណ្ឌខណ្ឌ៧មករា ចាប់បានតែម្តង។ ចំណែកជនរងគ្រោះមិនបានមកដាក់ពាក្យបណឹ្ដងនោះទេ។

បច្ចុប្បន្នជនសង្ស័យទាំង២នាក់ត្រូវបានកម្លាំងនគរបាលព្រហ្មទណ្ឌនាំមកឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌ៧មករា ដើម្បីសួនាំចាត់ការតាមនីតិវិធី៕

ដោយ៖ សរស្មី