ភ្នំពេញ៖ លោកស្រី ម៉ែន សំអន បញ្ជាក់ថា ព្រះពុទ្ធសាសនាបានចូលរួមចំណែកអភិវឌ្ឍន៍សង្គមយ៉ាងសំខាន់ ផ្នែកពុទ្ធិដល់ពលរដ្ឋឲ្យគោរពវិន័យច្បាប់ និងព្រាន់ប្រដៅមនុស្សឲ្យដើរតាមផ្លូវល្អ ប្រព្រឹត្ដតែអំពើល្អ រស់នៅដោយសុខុដមរនា នៅក្នុងសង្គមគ្រួសារសហគមន៍ ដែលមិនមានអំពើហិង្សា ប្រកបដោយសន្ដិភាព យុត្ដិធម៌ ។

លោកស្រីឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានបញ្ជាក់បែបនេះ ខណៈ លោកស្រីអញ្ជើញចូលរួមក្នុងកម្មវិធីសិតព្រះពុទ្ធរូប ដែលបានរៀបចំនៅក្នុងវត្តលង្ការព្រះកុសុមារាម កាលពីរសៀលថ្ងៃទី០២ ខែកញ្ញា ឆ្នាំ២០១៦ ។

ក្នុងឱកាសនោះដែរសម្តេចអរិយវង្ស សៅរ៍ ចាន់ថុល ព្រះចៅអធិការវត្តលង្ការបានមានសង្ឃដិការថា ពិធីសិតព្រះនេះគឺមានតាំងពីបុរាណកាលមកម្ល៉េះ ហើយយើងបានប្រារព្ធពិធីតាមបែបព្រះពុទ្ធសាសនានេះរហូតមកដល់បច្ចុប្បន្ន ។ ការសិតព្រះនាពេលនេះ គឺយើងបានកសាងតួអង្គព្រះអង្គផ្ចាញ់មារ ដែលមានកម្ពស់ជិត ២មែត្រ និងព្រះភ្នែនប្រវែង ១,៦ ម៉ែត្រ ដោយមានការចូលរួមពីសំណាក់ លោក លោកស្រី អ្នកនាងកញ្ញា និងមានទឹកចិត្តសុទ្ធាជ្រះថ្លាចូលរួមចំណែកក្នុងការអភិវឌ្ឍវវិស័យព្រះពុទ្ធសាសនាឲ្យមានការរីកចំរើនថែមមួយកម្រិតទៀត ។

បន្ទាប់ពីបានរៀបចំរួចរាល់ហើយនឹងធ្វើពិធីដង្ហែរព្រះអង្គទៅតម្កល់ទុកនៅវត្តខ្ពប ស្រុកស្អាង ខេត្តកណ្តាល នៅពេលខាងមុខនេះ ដើម្បីទុកជាសក្ការៈ។

លោកស្រី ម៉ែន សំអន បាន បញ្ជាក់ថា ព្រះពុទ្ធសាសនា បានចូលរួមចំណែកអភិវឌ្ឍន៍សង្គមយ៉ាងសំខាន់ ផ្នែកពុទ្ធិដល់ពលរដ្ឋឲ្យគោរពវិន័យច្បាប់ និងព្រាន់ប្រដៅមនុស្ស ឲ្យដើរតាមផ្លូវល្អ ប្រព្រឹត្ដតែអំពើល្អ រស់នៅដោយសុខុដមរនា នៅក្នុងសង្គមគ្រួសារសហគមន៍ ដែលមិនមានអំពើហិង្សា ប្រកបដោយសន្ដិភាព យុត្ដិធម៌ ព្រោះព្រះពុទ្ធសាសនា ជាសាសនារបស់រដ្ឋ នៅប្រទេសណាក៏គេមានសាសនា ដើម្បីគោរពបូជា តាមប្រពៃណីទំនៀមទម្លាប់ របស់ខ្លួនផងដែរ ៕

ដោយ៖ សំរិត