ខេត្តកំពត៖ លោកបណ្ឌិត ម៉ៅ ធនិន អភិបាល នៃគណៈអភិបាលខេត្តកំពត នៅព្រឹកថ្ងៃព្រហស្បតិ៍ ទី២៨ ខែសីហា ឆ្នាំ២០២៥ បានអញ្ជើញចុះពិនិត្យ និងកាត់វិញ្ញាសារប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា ២០២៤-២០២៥ នៅវិទ្យាល័យ មិត្តភាពកម្ពុជា-ជប៉ុន កំពតក្រុង ស្ថិតនៅក្រុងកំពត ខេត្តកំពត។
យោងតាមរបាយការរបស់ប្រធានមន្ទីរអប់រំ យុវជន និងកីឡាខេត្តកំពត លោក សូ ភារិទ្ធ បានបញ្ជាក់ប្រាប់ថា សម្រាប់ការប្រឡងសញ្ញាបត្រមធ្យមសិក្សាទុតិយភូមិសម័យប្រឡង ២៨ សីហា ២០២៥ នេះ ខេត្តកំពតមានមណ្ឌលប្រឡង ១០មណ្ឌល ស្មើ ២១៥បន្ទប់ មានបេក្ខជនសរុប ៥,៣១៧នាក់ ក្នុងនោះស្រី ២,៩៩៥នាក់ ដែលក្នុងនោះថ្នាក់វិទ្យាសាស្ត្រមាន ៣មណ្ឌល (វិទ្យាល័យកំពតក្រុង ២មណ្ឌល និងអនុវិទ្យាល័យហ៊ុនសែនអង្គរជ័យ ១មណ្ឌល) ស្មេី៥៥បន្ទប់ មានបេក្ខជនសរុប ១,៣៤៤នាក់ ស្រី៨៥៨នាក់។
ថ្នាក់វិទ្យាសាស្ត្រសង្គមមាន ៧មណ្ឌល (មានវិទ្យាល័យព្រះរាជសម្ភារ វិទ្យាល័យឌីប៉ុកសាមគ្គី វិទ្យាល័យត្រសេកកោង អនុវិទ្យាល័យហ៊ុនសែនជុំគ្រៀល វិទ្យាល័យព្រះនរោត្តមរណឫទ្ធិ វិទ្យាល័យជាស៊ឹមអង្គរជ័យ និងសាលាបឋម អេងមាសតានី) មាន ១៦០បន្ទប់ បេក្ខជនសរុប ៣,៩៧៣នាក់ ស្រី ២,១៣៧នាក់៕
ប្រភព៖ រដ្ឋបាលខេត្តកំពត
