ភ្នំពេញ៖ បុរសម្នាក់រួមដំណើរជាមួយនិងនារីម្នាក់បានជិះម៉ូតូធន់ធំបើកយ៉ាងលឿនដល់ចំនុចផ្លូវកោងជ្រុលទៅបុករបាំងថ្មពុះចែកទ្រូងផ្លូវបណ្ដាលឲ្យអ្នកបើកម៉ូតូហោះផ្លោងបោកផ្ទុបនិងបង្គោលភ្លើងបំភ្លឺផ្លូវ បណបណ្ដាលឲ្យធ្លាយខួរស្លាប់ ចចំណែកនារីអ្នករួមដំណើររងរបួសធ្ងន់ ។
ហេតុការណ៍នេះបានកើតឡើងនៅម៉ោង១និង២០នាទីយប់រំលងថ្ងៃទី១ ខែកញ្ញាឆ្នាំ២០២៥ ទល់មុខអាគារ ប៊ូយ៉ុងថោន (BOOYOUNG TOWN) ដែលស្ថិតតាមបណ្ដោយផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
សពជនរងគ្រោះ និងអ្នករបួសមិនទាន់ស្គាល់អត្តសញ្ញាណ ។
តាមប្រភពព័ត៌មានពីអ្នកឃើញហេតុការណ៍ បានអោយដឹងថា មុនពេលកេីតហេតុ គេបានឃើញបុរសម្នាក់រួមដំណើរជាមួយនិងនារីម្នាក់ បានជិះម៉ូតូធន់ម៉ាក kawasaki ពណ៌ស្វាយ អត់មានស្លាកលេខ ធ្វើដំណើរតាមបណ្ដោយផ្លូវសហព័ន្ធរុស្ស៊ីទិសដៅពីកេីតទៅលិចក្នុងល្បឿនលឿនលុះមកដល់ចំនុចកេីតហេតុ ដែលជាផ្លូវកោងហើយណាមួយអ្នកបេីកកាច់ចង្កូតមិនទាន់ទេីបធ្វើអោយម៉ូតូជ្រុលទៅបុកនិងរបាំថ្មពុះចែកទ្រូងផ្លូវបណ្ដាលដួលអូសជាង១០០ម៉ែត្រ ព្រមទាំងធ្វើឲ្យអ្នកទាំង២ហោះផ្លោងបោកផ្ទុបនិងបង្គោលភ្លើងបំភ្លឺផ្លូវ យ៉ាងពេញទំហឹងដែលធ្វើឲ្យបុរសនាក់បេីកម៉ូតូបែកក្បាលធ្លាយខួរស្លាប់នៅកន្លែងកើតហេតុភ្លាមៗ ចំនែកនារីអង្គុយខាងក្រោយ របួសបែកក្បាលហូរឈាមត្រូវបានបញ្ជូនតាមរថយន្តសាមុយដឹកយកទៅសង្គ្រោះនៅមន្ទីរពេទ្យព្រះកុសមៈផងដែរ ។
ករណីនេះផងដែរបន្តិចក្រោយមកកម្លាំងសមត្ថកិច្ចមូលដ្ឋាននិងជំនាញចរាចរណ៍ខណ្ឌបានចុះទៅកន្លែងកើតហេតុ ដេីម្បីសាកសួរពីដំណើររឿង និងស្វែងរកសាច់ញាតិ តែមិនអាចទំនាក់ទំនងបាននៅឡើយទេ ។
បន្ទាប់ពីកេីតហេតុសពត្រូវបានយកទៅតម្កល់នៅវត្តទឹកថ្លារងចាំស្វែងរកសាច់ញាតិ ចំនែកម៉ូតូសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌសែនសុខ ៕
ដោយ៖ ជ្រោយពេជ្រ
