ភ្នំពេញ ៖ ជនសង្ស័យ០៤នាក់រួមនិងថ្នាំញៀនចំនួន២កញ្ចប់ត្រូវកំលាំងសមត្ថកិច្ចចំរុះនៃអធិការដ្ឋាននគរបាលខណ្ឌសែនសុខធ្វើការឃាត់ខ្លួនខណៈសមត្ថកិច្ចដាក់គោលដៅត្រួតពិនិត្យច្បាប់ចរាចរមួកកញ្ចក់និងម៉ូតូអត់ស្លាកលេខ។

ការឃាត់ខ្លួននេះនៅវេលាម៉ោង១៥និង៣០នាទីរសៀលថ្ងៃទី០៣ខែកញ្ញាឆ្នាំ២០១៦នៅផ្លូវ២០០៤ ភូមិស្លែងរលើង ង្កាត់ទឹកថ្លា ខណ្ឌសែនសុខ។

ជនសង្ស័យដែលឃាត់ខ្លួនទាំង០៤នាក់នេះទី១ឈ្មោះ មុឹង ចន្ថា ភេទប្រុសអាយុ៣០ឆ្នាំមុខរបររត់ម៉ូតូឌុបទី២ឈ្មោះ ហឿន សាវ៉ាន់ ភេទប្រុសអាយុ៣២ឆ្នាំមុខរបររត់ម៉ូតូឌុប ទាំង២នាក់នេះស្នាក់នៅភូមិចុងបង្កោល ឃុំបែកចាន ស្រុកអង្គស្នួល ខេត្តកណ្តាល ទី៣ឈ្មោះ ទី សារ៉ាត់ ភេទប្រុសអាយុ២៣ឆ្នាំមុខរបរកម្មករសំណង់និងទី០៤ឈ្មោះ ទូច អូន ភេទប្រុសអាយុ២៣ឆ្នាំមុខរបរកម្មករសំណង់ អ្នកទាំង២ស្នាក់នៅភូមិ ឃុំបាទី ស្រុកបាទី ខេត្តតាកែវ។

ប្រភពពីសមត្ថកិច្ចបានអោយដឹងថា មុននិងឃាត់ខ្លួនជនសង្ស័យទាំង៤នាក់ខាងលើគឺកំលាំងសមត្ថកិច្ចចំរុះបានដាក់គោលដៅត្រួតពិនិត្យច្បាប់ចរាចរផ្លូវគោក មួក កញ្ចក់ និងម៉ូតូឥតស្លាកលេខនៅចំណុចខាងលើពេលនោះក៍ឃើញជនសង្ស័យបានជិះម៉ូតូ២គ្រឿង១គ្រឿងម៉ាកស្គូបពី ពណ៍សលាយខៀវពាក់ស្លាកលេខភ្នំពេញ1AS2021 និង១គ្រឿងទៀតម៉ាកស្មាសរ៉េវ៉ូ ពណ៍ក្រហមបិទស្គុតខ្មៅពាក់ស្លាកលេខកណ្តាល1J.7622
មិនមានពាក់មួកសុវត្ថភាពបានឃាត់ត្រួតពិនិត្យក៍រកឃើញមានថ្នាំញៀននៅជាប់ខ្លួនពួកគេទើបឃាត់ខ្លួនយកមកសាកសួរនៅប៉ុស្តិ៍នគរបាលរដ្ឋបាលទឹកថ្លា។

ចំណែកជនសង្ស័យដែលសមត្ថកិច្ចឃាត់ខ្លួនបានឆ្លើយសារភាពថា ថ្នាំញៀននេះគឺពិតជារបស់ខ្លួនមែនហើយខ្លួនបានទិញ១កញ្ចប់តំលៃ១០០០០រៀល។

បច្ចុប្បន្នជនសង្ស័យទាំង៤នាក់រួមនិងវត្ថុតាងកំពង់ឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការបន្តតាមនិតិវិធី៕

តុង សីហា