ខេត្តស្ទឹងត្រែង៖ រថយន្តសាំងយ៉ុងអត់ស្លាកលេខមួយគ្រឿងបើកមិនប្រយ័ត្នយប់ងងឹតជ្រុលចង្គូតទៅបុកប៉ាន់ណូធ្លាក់ប្រឡាយក្អួតចេញសុទ្ធតែប្រេងម៉ាស៊ីន បណ្តាលឲ្យខូតខាតផ្នែកខាងមុខ តែមិនគ្រោះថ្នាក់ដល់មនុស្សឡើយ។
ករណីបង្កគ្រោះថ្នាក់ដោយខ្លួនឯងនេះកើតឡើងនៅវេលាម៉ោង៨យប់ថ្ងៃទី៣ ខែកញ្ញា ឆ្នាំ២០១៦ នៅចំណុចគីឡូលេខ១០ តាមបណ្តោយផ្លូវជាតិលេខ៧ ស្ថិតក្នុងភូមិរាជានុកោល សង្កាត់ស្ទឹងត្រែង ក្រុងស្ទឹងត្រែង។
តាមប្រភពព័ត៌មានពីម្ចាស់រថយន្តនិងព្រូបានប្រាប់ថា មុនពេលកើតហេតុគឺគេបើកបរទិសដៅពីជើងទៅត្បូងដោយមានដឹកអីវ៉ាន់ពីភ្នំពេញដាក់ឲ្យម៉ូយនៅខេត្តស្ទឹងមកដល់ចំណុចកើតហេតុខាងលើបានរេចង្គូតទីបុកប៉ាន់ណូបាក់ខ្ទិចរាបដល់ដីតែមិនបណ្តាលឲ្យគ្រោះថ្នាក់ដល់មនុស្សឡើយ។
គួរបញ្ជាក់ផងដែរថា ម្ចាស់រថយន្តបង្កគ្រោះថ្នាក់ដោយខ្លួនឯងនោះមិនបានប្រាប់ឲ្យដឹងឈ្មោះនោះឡើយហាក់បីដូចជាមានអ្វីលក្ខបាំង ក្រោយមកបានហៅរថយន្តស្ទូចយកមកជួសជុលដោយខ្លួនឯងភ្លាមៗតែម្តង រីឯសម្ភារខូចខាតត្រូវបានហៅរថយន្តផ្សេងមកសាងបន្ត៕
ដោយ៖ មាស សុផាត
