លោក Thomas Tuchel អ្នកចាត់ការទូទៅរបស់ក្រុមជម្រើសជាតិអង់គ្លេសបានសរសើរពីភាពស្ងប់ស្ងាត់ និងការសម្របខ្លួនរបស់អ្នកចាំទី Jordan Pickford បន្ទាប់ពីអ្នកចាំទីបានបង្កើតកំណត់ត្រាជាមួយនឹងការរារាំងគូប្រកួតមិនឱ្យស៊ុតបញ្ចូលទីបាន (Clean Sheet) ប្រាំបីប្រកួតជាប់ៗគ្នាក្រោយជ័យជម្នះ 3-0 របស់ប្រទេសលោកលើក្រុមជម្រើសជាតិវេលស៍ ក្នុងការប្រកួតមិត្តភាពនៅ Wembley កាលពីថ្ងៃព្រហស្បតិ៍។

កីឡាករវ័យ 31 ឆ្នាំរូបនេះធ្វើបានលើសពីកំណត់ត្រាពីមុនរបស់ Gordon Banks របស់អង់គ្លេសដើម្បីក្លាយជាអ្នកចាំទីដំបូងដែលសម្រេចបាននូវការរារាំងគូប្រកួតមិនឱ្យស៊ុតបញ្ចូលទីចំនួនប្រាំបីដងជាប់ៗគ្នាក្នុងការបង្ហាញខ្លួន 90 នាទីសម្រាប់ក្រុមបុរសអង់គ្លេស។

ក្រុមអង់គ្លេសបានយកឈ្នះលើក្រុមវេលស៍ដែលជ័យជម្នះជាលើកទីប្រាំបីជាប់ៗគ្នា ដោយមានគ្រាប់បាល់ពីកីឡាករ Morgan Rogers, Ollie Watkins និង Bukayo Saka បញ្ចប់ការប្រកួតយ៉ាងមានប្រសិទ្ធភាពក្នុងរយៈពេល 20 នាទី។

លោក Tuchel អ្នកចាត់ការសញ្ជាតិអាល្លឺម៉ង់ដែលបានចូលដឹកនាំប្រទេសអង់គ្លេសកាលពីខែមករា បានសរសើរសមត្ថភាពរបស់ Pickford ក្នុងការរក្សាភាពមុតស្រួច បន្ទាប់ពីមិនត្រូវបានគេស៊ុតបញ្ចូលទីគាត់សម្រាប់ការប្រកួតជាច្រើន។

លោក Tuchel បាននិយាយថា “វាមិនងាយស្រួលទេក្នុងការរក្សាការផ្តោតអារម្មណ៍នៅក្នុងពាក់កណ្តាលទីមួយដែលលេចធ្លោបែបនេះ។ គ្មានអ្វីត្រូវធ្វើទេ។ ហើយភ្លាមៗនោះ ខ្ញុំគិតថានៅនាទីទី 42 វាមានស្ថានភាពដែលវាតែងតែអាចមានគ្រោះថ្នាក់។ ហើយតង់ទីពីរ គាត់មានការសង្គ្រោះដ៏លំបាកដើម្បីបិទជើងរបស់គាត់យ៉ាងលឿន។គាត់ធ្វើបានល្អណាស់។ គាត់រក្សាភាពស្ងប់ស្ងាត់។ នេះជាអ្វីដែលយើងទាមទារពីគាត់។ គាត់ស្ងប់ស្ងាត់ រក្សាការផ្តោតអារម្មណ៍របស់គាត់”។

ក្រុមតោកំណាចទាំងបីអង់គ្លេសនឹងធ្វើដំណើរទៅជួបក្រុម ឡាតវី ក្នុងវគ្គជម្រុះ World Cup បន្ទាប់របស់ពួកគេនៅទីក្រុង Riga នៅថ្ងៃអង្គារ ខណៈដែលវេលស៍ធ្វើជាម្ចាស់ផ្ទះទទួលបែលហ្ស៊ិកក្នុងទីក្រុង Cardiff នៅថ្ងៃចន្ទ៕