ភ្នំពេញ៖ម៉ូតូtodayជិះបត់ត្រលប់ក្រោយ ក៏ត្រូវម៉ូតូ vesba ជិះបំពានស្តុបជ្រុលទៅបុកយ៉ាងពេញទំហឹង បណ្ដាលឲ្យរងរបួសធ្ងន់ស្រាលចំនួន៤នាក់ ។
ហេតុការណ៍នេះបានកើតឡើងនៅវេលាម៉ោង៨យប់ថ្ងៃទី២២ខែតុលាឆ្នាំ២០២៥ចំនុចស្តុបគីរីរម្យ ផ្លូវព្រះសីហនុ កែងផ្លូវ១៤៣ សង្កាត់បឹងកេងកងទី២ ខណ្ឌបឹងកេងកង ។
តាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកេីតហេតុ គេបានឃើញម៉ាកtoday ពណ៌គ្រាប់អំពិល ពាក់ស្លាកលេខ ភ្នំពេញ 1JM8053 ជិះគ្នា៣នាក់ ស្ត្រី២នាក់និងក្មេងប្រុសម្នាក់វ័យប្រហែល៥ឆ្នាំ ជិះធ្វើដំណើរតាមបណ្ដោយផ្លូវព្រះសីហនុទិសដៅពី កេីតទៅលិច លុះមកដល់ចំណុចកេីតហេតុ គេបានបត់ត្រលប់ក្រោយវិញ ខណៈម៉ូតូបត់បានពាក់កណ្ដាលផ្លូវ ក៏ស្រាប់តែបុរសម្នាក់ទៀត បានជិះម៉ូតូម៉ាក vespa ពណ៌ប្រផេះអត់ស្លាកលេខ បានជិះបោះពួយតាមបណ្ដោយផ្លូវព្រះសីហនុទិសដៅពីលិចទៅកេីត ហេីយបំពានភ្លើងស្តុប ក៏ជ្រុលទៅបុកនិងម៉ូតូ today យ៉ាងពេញទំហឹង បណ្ដាលឲ្យម៉ូតូដួលគរ លើគ្នារងការខូចខាត ព្រមទាំងធ្វើឲ្យភាគីខាងម៉ូតូ today មានរបួសបាក់ជើង ទាំងក្មេងនិងមនុស្សស្រី២នាក់របួសបែកក្បាលហូរឈាមសន្លប់ ស្ដូកស្ដឹង អ្នកទាំង៣ត្រូវបានបញ្ជូនតាមរថយន្តសាមុយរបស់មន្ទីរពេទ្យព្រះអង្គដួង ដឹកយកទៅសង្គ្រោះផងដែរ ។
ដោយឡែកខាងម៉ូតូ vespa រងរបួសធ្ងន់គួរសម ត្រូវបានសាច់ញាតិដឹកតាមម៉ូតូយកទៅសង្គ្រោះនៅមន្ទីរពេទ្យដូចគ្នា ។
ក្រោយកេីតហេតុ នៅសល់តែមធ្យោបាយ ត្រូវសមត្ថកិច្ចជំនាញចរាចរណ៍វាស់វែងយកទៅរក្សាទុក នៅអធិការដ្ឋាននគរបាលខណ្ឌបឹងកេងកង រង់ចាំដំណោះស្រាយ ៕ដោយ៖សុខាសែនជ័យ
