ថ្លែងក្នុងពិធីនោះ លោករដ្ឋមន្ត្រីបានមានប្រសាសន៍ថា អក្ខរកម្មមិនគ្រាន់តែធ្វើឲ្យអ្នកសិក្សា ចេះអាន ចេះសរសេរ ចេះនិយាយបានត្រឹមត្រូវនោះទេ ថែមទាំងធ្វើឲ្យចេះរកប្រាក់ចំណូលចិញ្ចឹមជីវិតខ្លួនឯងផង និងក្រុមគ្រួសារផង ពិសេសកែលម្អកម្រិតជីវភាព រស់នៅរបស់ពួកគេកាន់តែប្រសើរឡើង។ មិនត្រឹមតែ ប៉ុណ្ណោះ អក្ខរកម្មរួមចំណែកសម្រេចគោលដៅអភិវឌ្ឍន៍សហស្សវត្សនាឆ្នាំ២០១៦-២០៣០ និងដើម្បីផ្សារភ្ជាប់ការងារអក្ខរកម្មទៅនឹងការសិក្សាពេញមួយជីវិត ពិសេសឈានទៅសម្រេចបាននូវគោលដៅថ្មី គឺប្រែក្លាយពលករដែលប្រើកម្លាំងសុទ្ធសាធ ទៅជាការប្រើប្រាស់ជំនាញវិជ្ជាជីវៈ តាម «យុទ្ធសាស្ត្រ កំណើនថ្មី» របស់កម្ពុជា៕